Yumurta niyə 1 qəpiyə satılır? - SƏBƏB AÇIQLANDI

"Yumurtanın qiymətinin son günlər kəskin şəkildə aşağı düşməsinin müxtəlif səbəbləri var. Birinci səbəb rəqabətlilik prinsipidir. İkinci məsələ stok (ehtiyat) durumudur. Üçüncü səbəb isə partiya nömrələrinin, yəni məhsulların yararlılıq müddətinin bitməsinə az qalması ola bilər.

Ola bilsin ki, məhsulların vaxtına az qalıb və havaların istiləşməsi ilə əlaqədar yumurtanın saxlanılmasında problemlər yaranır. İsti hava şəraitində yumurtaların düzgün saxlanılmaması onların tez xarab olmasına gətirib çıxara bilər. Bu baxımdan, məhsulların həddindən artıq ucuz qiymətə təklif olunması ehtimalı var".

 Oxu24.combildirir ki, bu barədə Redaktor.az-a qida eksperti İlkin Şirinov marketlərdə yumurtaların 0.01 qəpiyə satılmasından danışarkən bildirdi.

Onun fikrincə, məhsullar normal şəraitdə satıla bilmir və buna görə də şirkətlər qiymətləri kəskin şəkildə aşağı salırlar:

"Burada əsasən iki iri yumurta istehsalçısı - Giləzi və Hacıqabul fabrikləri arasında rəqabət mövcuddur. Bu gün bazarda həmin rəqabət nəticəsində “kim daha güclüdür” prinsipi ilə məhsullar daha ucuz qiymətə təklif olunur. Digər bir məqam isə kiçik ölçülü yumurtalardır. Diqqət etsəniz, görərsiniz ki, böyük ölçülü yumurtalar bu qiymətə təklif olunmur. Yalnız kiçik və nisbətən çox kiçik ölçülü yumurtalar bu qiymətlə satılır. Yenə də qeyd edək ki, burada iki şirkət arasında rəqabət prinsipi mövcuddur və onlar bazarda məhsulları daha ucuz qiymətə təqdim etməyə çalışırlar. Ən əsası isə müştərilər məhsul alarkən diqqətli olmalıdırlar: birinci növbədə yararlılıq müddətinə, ikinci olaraq məhsulun təzə və ya köhnə olmasına fikir verməlidirlər. Həmçinin çalışmalıdırlar ki, mümkün qədər üzərində markalanması olan məhsullara üstünlük versinlər. Çünki markalanması olmayan məhsullar sonradan müştəri narazılığına səbəb ola bilər".

Həmçinin oxuyun

Bankdan kredit ala bilməyənlər üçün yeni imkan – Yeni qanun nə vəd edir?  

Milli Məclis qərar qəbul etdi

Azərbaycanda 4 günlük iş həftəsi başlayır? 

Yüksək vəzifə verilən gənc xanım KİMDİR?