Sürücülərə şad xəbər — Bu cərimələrin pulu qaytarılır

CƏMİYYƏT

1121

16.03.2026, 22:25

Son dəyişikliklərlə sürücülərin artıq ödənilmiş, düzgün tətbiq edilməmiş və ya səhv ödənilmiş cərimələri geri almaq imkanı yaradılır. Bu mexanizm, qaydalara əməl etməyin daha da önəmli olduğunu göstərərək sürücülərin hərəkət vərdişlərinə müsbət təsir edə bilər. Eyni zamanda, ödənişlərin geri qaytarılması sistemin şəffaflığını artırır və vətəndaş etimadını gücləndirir.

Oxu24.com xəbər verir ki, məsələ ilə bağlı Demokrat.az-a açıqlama verən nəqliyyat eksperti Yasin Mustafayev bildirib ki, bu, cərimələrin geri qaytarılması mexanizmidir və yol hərəkəti, infrastruktura və sürücülərin davranışına birbaşa təsir etməməlidir.

“Burada məqsəd sürücülərin qanunsuz olaraq cərimələnməsi hallarının düzəldilməsidir. Məsələn, məhkəmə tərəfindən sübut olunmamış və ya səhv olaraq tətbiq edilmiş cərimələrin geri qaytarılmasıdan söhbət gedir”.

Ekspert bildirib ki, mexanizm əvvəlki dövrlərlə müqayisədə yüngülləşdirilib.

“Əvvəllər sürücü yol polisi xidmətinə məktub göndərir, oradan təsdiqləmə alınır, bir neçə mərhələdən keçirdin, çox vaxt alırdı. İndi proses daha rahatlaşdırılıb və sürücülərin haqsız yerə bir neçə yerə gedib-gəlməsinin qarşısı alınır. Ümumilikdə bu mexanizm faydalıdır, amma hələ də bir qədər çətinliklər qalır. Sürücü pulunu ödədikdə, geri qaytarılma prosesi də daha rahat və operativ olmalıdır. Bu mexanizmi daha da yüngülləşdirmək mümkündür”

Həmçinin oxuyun