"Anasının sümükləri belə tapılsa, qurban kəsəcəklər..." - Xocalı ilə bağlı TÜKÜRPƏDİCİ FAKT  

Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Azərbaycanın Xocalı şəhərinin işğalı və Xocalı soyqırımının törədilməsinin növbəti ildönümüdür.Bu gün Xocalı Soyqırımından 34 il ötür.

Oxu24.com-a dərdini danışan Xocalı sakini,  ehtiyatda olan polis polkovniki Akif Mirsiyab oğlu ötənləri belə xatırlayıb.

Polkovnik bildirib ki, hazırda dərdimizi yüngülləşdirən amillər çoxdur.

Həmçinin oxuyun

SON DƏQİQƏ! Xalq artistinin həyat yoldaşı vəfat etdi 

Toy və yaslarda çəkilişlərlə bağlı QƏRAR: Kimlər məsuliyyətə cəlb oluna bilər?  

Hansı nazirlər gedir?    —   İlginc məlumat YAYILDI

Tolik açıqlama YAYDI

"2020-ci ilə qədər Xocalı bizim üçün uzaqda qalan sağalmaz bir yara idi. Hər il bu vaxtı əlimizdə qərənfillərlə "Xocalıya ədalət" deyə fəryad edirdik. Ruhumuz əsir, qəlbimiz qırıq idi. Şəhidlərimizin məzarı önündə boynumuz bükük , dilimiz gödək idi, çünki o torpaqlara gedə bilmirdik. Xocalı bizim üçün bitməyən bir həsrət, alınmamış bir qisasın ağır yükü idi.Bu gün isə Xocalı artıq azadlığın simvoludur. 2020-ci ilin Zəfərindən sonra biz bu faciəni artıq məğlub xalq kimi deyil, qalib bir millət kimi anırıq.İndi şəhidlərimizin ruhuna dualar oxuyarkən "qanınız yerdə qalmadı" deyə bilirik. Artıq o torpaqlarda yabançı ayaq izləri deyil, doğma nəfəsimiz var. Xocalı artıq xəritədəki bir nöqtə deyil, bayrağımızın ucaldığı qürur yerimizdir”.

Polkovnik onu da qeyd etdi ki, o məşum gecədə  50-yə yaxın qohum- tanışı düşmən  gülləsinə, erməni vəhşiliyinə, rus qəddarlğına tuş gəlib.

"Evimdən isə o dəhşətli gecədə qardaşım – Milli Qəhrəman Tofiq Hüseynov, həm də onun ən yaxın silahdaşı olan, şəhəri müdafiə edən digər qardaşım Bakir Hüseynov qəhrəmanlıqla şəhid oldular. Müharibə ilə əlaqəsi olmayan dinc sakinlərdən atam Mirsiyabin, anam Minəş xanımın,  bacım Qətibənin,  Tofiqin həyat yoldaşı Məxmər xanımın vəhşicəsinə öldürülməsi isə  düşmənimizin namərdliyini, qaniçən olduğunu subut edən faktdır.Onların,eyni zamanda,  qardaşım Bakirin bu günə qədər nə “öldü”sündən xəbərimiz var, nə də “qaldı”sından. Yalnızca, o vaxt Tofiqin nəşi tapıldı və  Bakıda Şəhidlər Xiyabanında dəfn olundu. 34 ildir gözlərimiz yollardadır.Hətta  Tofiqin atasız-anasız qalmış 3 övladı  əhd edib ki, anası Məxmər xanımın sümükləri belə tapılsa qurban kəsəcəklər.Hələ də itkinlərimizin sorağındayıq! Hələ ki,  yaramız qan verməkdə davam edir. Düşünürəm ki,  Xocalı dərdini Böyük Zəfərimiz, Qarabağa Dönüşümüz  yüngülləşdirdi, amma o dərdi heç nə bizə unutdura bilməz,  unutdurmayacaq” -deyə Akif Mirsiyab oğlu vurğulayıb.

Əntiqə Rəşid