"Hücuma 150 nəfər döyüşçü ilə keçmişdik" - Keçmiş döyüşçü Xocalı Soyqırımı  öncəsi baş verənlərdən  DANIŞDI

“Məlumdur ki, 34 il əvvəl  Xocalı faciəsinin baş verməsinin əsas səbəbkarları rus imperiyasının nizami ordusu və  erməni terror dəstələri idi. Amma bu faciənin yaşanmasına  Azərbaycan tərəfdən bir sıra qüvvələr  kömək edib”.      

Bu fikirləri Oxu24.com-a Eldar Bağırov adına 845 saylı Ağdam ərazi müdafiə batalyonunun şəxsi heyət üzrə rəisi, qərargah rəisinin müavini olmuş Əhməd Xudiyev bildirib.

Həmçinin oxuyun

Ölkənin bir nömrəli innovasiya qurumunda qarışıqlıq: Kamran Ağayev də getdi - Nə baş verir? 

MSK-nın sədri SEÇİLDİ -TƏCİLİ

Prezident son qəbulları niyə Qəbələdə keçirir? 

Dövlət Tibbi-Sosial Ekspertiza və Reabilitasiya Agentliyi məhkəməyə verildi — DETALLAR  

 Ə. Xudiyev qeyd edib ki, hələ faciə başlamaışdan xeyli əvvəl 1992-ci ilin yanvarın sonlarına yaxın  Milli Qəhrəman Allahverdi Bağırovun rəhbərlik etdiyi Vətən oğulları dəstəsi hücuma keçmişdi: "Hücuma 150 nəfər döyüşçü ilə keçmişdik. Qanlı savaş idi. Əsgəran qalasına qədər irəliləmişdik. Düşmənin xeyli  canlı qüvvəsini, silah sursatını, texnikasını məhv etdik. Çünki əməliyyat  uğurla keçirdi. Təsəvvür edin 2 saat müddətində Pircamal kəndindəki bütün yüksəkliklər  tərəfimizdən nəzarətə götürüldü. Ermənilərin yaşadığı Kətik kəndi ilə üzbəüz müdafiə mövqeyi quruldu. Fred Asifin, Ala Yaqubun dəstəsi də bizimlə bərabər döyüşürdü. Ala Yaqubun toplarından  ilk atəş açıldı  və döyüş başladı.

 Düzdür, yaralananlarımız , şəhid olanlarımız vardı. 8 döyüşçümüz şəhid olmuşdu, baxmayaraq ki, mən də yaralanmışdım, amma  irəliləməkdə israrlıydıq. Ordumuz sözün həqiqi mənasında  döyüşürdü.

 Belə bir döyüşçülərə Xocalı əməliyyatına girməyə icazə verilmədi. Buna mərkəzdən Ağdama gələn yüksək vəzifəli şəxslər  mane oldular. Halbuki,  23, 24, 25 fevralda Xocalı rabitəçilərinin səsi  Ağdamda  əks -səda verirdi. Onlar kömək istəyirdilər, “yuxarıdan” gələnlər isə  ordunu  döyüşə girməsinə imkan vermədilər. Xocalıdakı  soydaşlarımızın  müdafiə edilmədiyini görən  rus-erməni birləşmələri 25 fevral gecə saatlarında Xocalıya  şiddətli hücumla əsrin fəlakətini yaşatdılar. Xocalının o müsibəti yaşamasına “kürsü davası”nın  da  böyük köməkliyi oldu”  -deyə keçmiş döyüşçü vurğuladı. 

 Əntiqə Rəşid