İlk Azərbaycanlı kontr-admiral kim olub?

CƏMİYYƏT

25.02.2026, 16:15

Azərbaycanın ilk kontr-admiralı Cəlil Cəfərov 1918-ci ilin avqustunda Bakının Fatmayi kəndində anadan olub. Atası Məmmədəli kişi neftçi idi. Bacarığına görə xeyriyyəçi Musa Nağıyev onu öz şirkətlərindən birinə rəhbər təyin etmişdi.

1929-cu ildə 5 illik məktəbi bitirdikdən sonra, 1930-1935-ci illərdə Bakı Sənaye Texnikumunda təhsil alır. 1935-1936-cı illərdə “Azəriqaz” Trestində çalışır. 1937-ci ildə D.İ.Mendeleyev adına Moskva Kimya-Texnologiya İnstitutunda 1 il oxuyur və sonra təhsilini öz istəyi ilə Sevastopoldakı P.S.Naximov adına Ali Hərbi Dənizçilik Məktəbində davam etdirir. O, bununla da demək olar ki, həyatının qalan hissələrini hərbi xidmətə bağlamış olur.

1941-ci ildə məktəbi bitirən C.Cəfərov miçman rütbəsində Dunay Hərbi Donanmasına xidmətə göndərilmişdir. 1941-1945-ci illərdə müharibə dövründə o, Qafqaz və Sovet Zapolyariyasının müdafiəsində, Dunay, Qaradəniz Hərbi Dəniz Donanmasının tərkibində almanlara qarşı döyüşlərdə iştirak edir.

Həmçinin oxuyun

Fevralın 26-sı ilə bağlı XƏBƏRDARLIQ

“İlhamə Quliyevanın evindən məni həmin müğənni xilas etdi” — 10 ildən sonra açılan ŞOK FAKT — ÖZƏL MÜSAHİBƏ

SON DƏQİQƏ! Allahşükür Paşazadənin oğlu ilə bağlı qərar verildi

Ramiz Mehdiyevin məsələsinə baxırdılar:Yatıb qaldılar -FOTOLAR

Döyüşlərdə şücayətlərə görə “Döyüş xidmətlərinə görə”, “Sevastopolun müdafiəsinə görə”, “Qırmızı ulduz” müdalları ilə təltif olunur və müharibəni baş leytenant rütbəsi ilə başa vurur. Müharibədən sonra Xəzər Hərbi Dəni Donanmasında xidmət edir. 1949-cu ildən Azərbaycan SSR Orduya Aviasiyaya və Donanmaya Könüllü Yardım Cəmiyyətində müxtəlif vəzifələrdə çalışır. 1954-cü ildə isə həmin Cəmiyyətin Respublika Mərkəzi Komitəsinin sədri, 1959-cu ildə isə Azərbaycan SSR Ali Sovetinin deputatı seçilir.

1968-ci ildə ona kontr-admiral rütbəsi verilir.

Şərq ədəbiyyatına dərindən bələd olan C.Cəfərov həmçinin astronomiya və riyaziyyatı da yaxşı bilirdi.

C.Cəfərov 6 fevral 1980-ci ildə Bakıda vəfat edib. 1992-ci ildə Bakıda yaşadığı binaya (Z.Əliyeva küçəsi, 24) onun xatirə lövhəsi vurulub.

Müşərrəfxanım