Bakı metropoliteni açıqlama yaydı

Bakı metropolitenində şüşə arakəsmələrin quraşdırılması texniki baxımdan mümkün deyil.

Bu barədə Oxu24.com-a “Bakı metropoliteni” QSC-dən məlumat verilib.

Bildirilib ki, bunun bir neçə səbəbi var:

“Mövcud stansiyaların havalandırma və hava dövriyyəsi xüsusiyyətləri nəzərə alınmalıdır. Xüsusilə yaşıl və qırmızı xətlərdə hava stansiyalara əsasən tunellər vasitəsilə daxil olur. Platforma arakəsmələrinin quraşdırılması bu hava axınlarının qarşısını alacaq. Bu isə, həm tunel infrastrukturuna, həm də ən əsası sərnişinlərin rahatlığı və təhlükəsizliyinə mənfi təsir göstərəcək”.

Həmçinin oxuyun

TƏCİLİ! İran bu dəqiqələrdə qərarını açıqladı:Orduya  əmr VERİLDİ

Bu il “Tramp Marşrutu"nun tikintisinə BAŞLANILACAQ    —  Azərbaycan nə qazanacaq?

Azərbaycanın Xalq artisti  vəfat edib 

Prezidentin köməkçisi Anar Ələkbərov üçün ÖZƏL GÜN  

Qeyd edilib ki, CBTC adlandırılan mərkəzi idarəetmə və işarə vermə sistemləri qatarların platformada millimetr dəqiqliyi ilə dayanması üçün əsas şərtdir:

“Bu sistem qatarın sürətini, mövqeyini və dayanma nöqtəsini real vaxt rejimində hesablayır və platforma boyunca qatarın standartlaşdırılmış nöqtədə dayanmasını təmin edir. Maşinistsiz qatarlar üçün bu sistem mütləqdir. Qatar yalnız CBTC sistemi tərəfindən dayanma təsdiq edildikdən sonra platforma arakəsmələri ilə sinxron şəkildə işləyir. Hazırda isə Bakı metrosunda qatarların platformada dayanması maşinist tərəfindən manual şəkildə həyata keçirilir. Bakı metrosunda fərqli nəsil və bir neçə model vaqon istismar olunur. Bu vaqonlarda qapıların yerləşməsi və açılması mexanizmi fərqlidir. Bəzilərində qapılar içəriyə, bəzilərində isə çölə açılır. Bu müxtəliflik platforma arakəsmələrinin standartlaşdırılmış şəkildə tətbiqini əhəmiyyətli dərəcədə çətinləşdirir. Bütün bu amilləri nəzərə alaraq təəssüf ki, hazırda şüşə arakəsmələrin Bakı metropolitenində tətbiqi mükün deyil”.

Qeyd edək ki, beynəlxalq təcrübədə bir sıra ölkələrin metro sistemlərində platforma ilə qatar yolu arasında şüşə arakəsmələrdən istifadə olunur. Şüşə arakəsmələrin əsas məqsədi sərnişinlərin qatar yoluna təsadüfi düşməsinin qarşısını almaq, platformada təhlükəsizliyi artırmaq və insan faktorundan qaynaqlanan riskləri minimuma endirməkdir.