“Nüvə silahlarının sınağı planeti xarabaya çevirməkdədir”- Ekoloqdan “SOS” siqnalı  

2 gün əvvəl CNN məlumat yayıb ki, ABŞ kəşfiyyat orqanları  1964-cü ildən bəri nüvə gücü hesab edilən Çinin yeni nüvə silahı hazırladığına və ən azı bir gizli sınaq keçirdiyinə inanır. 

Texniki Avadanlıq və Ekoloji Məsələlər Üzrə Mütəxəssis ,ekoloq Kənan Kərimov Oxu24.com-un suallarını cavablandırıb. 

Ekoloq bildirib ki, adətən  müharibə və münaqişələrin  təbiətə, ekosistemə vurduğu  zərbədən danışırlar və müharibələrin  qarşısının alınması üçün tədbirlər  görülür, təklif və  tələblər ortaya qoyulur:” Amma  əvvəl  müharibədən  qat-qat  təsirli və zərərli olan  nüvə silahlarının  sınağını diqqətə çatdırmaq lazımdır.İlk atom bombasının atılmasından (1945-ci il 6 avqust) 80 il keçir. Təsəvvür edin ki,  həmin vaxt atom bombası minlərlə insanı məhv edib, bundan başqa bombaların verdiyi istilik bölgədəki bütün bitki və canlıları külə döndərib. Hətta o dəhşətli hadisə zamanı atmosferə atılan nüvə zərrəciklərinin təsiri hazırda da bölgənin sularında hiss olunur.

Həmçinin oxuyun

"Space" TV-də daha iki verilişin yayımı dayandırıldı 

Bu il keçid balları enəcək, yoxsa qalxacaq? – AÇIQLAMA  

Azərbaycanda ət BAHALAŞIR: İqtisadçıdan XƏBƏRDARLIQ  

Bakıda yaşayanlara vacib xəbər: Sabah saat 00:00-dan... 

 Müasir dövrdə nüvə silahlarının, istər atmosferdə, istər kosmik fəzada,  istər də su altında nüvə sınaqlarının keçirilməsi əslində planetdə  təbiətdəki balansı  pozur, qlobal istiləşməyə səbəb olur.

 Ötən il ABŞ modernləşdirilmiş “B61” nüvə bombasının “B61-12” versiyasını sınaqdan keçirdi. Bu bombalar Xorasimaya atılan atom bombalarında 24 dəfə güclüdür. Bu sınaqlar zamanı ətrafa yayılan   radioaktiv maddələr suyu da, torpağı da, havanı da zəhərləyir. Küləklər vasitəsilə sınaq olan ərazilər deyil,  uzaq məsafələrdəki insan və təbiət də zəhərlənməyə məruz qalır.  Ümumiyyətlə, nüvə silahlarının  sınaqları    ekosistemə öz mənfi izlərini  qoyacaq. 1986-cı il aprelində Ukraynanın   Çernobıl atom-elektrik stansiyasının dördüncü enerji blokunda yanğın baş verdi. Yanğında yaranan radioaktiv duman 17 milyon insanın yaşadığı 11 rayonun atmosferini zəhərlədi. Faciədən tam 40 il keçsə də, həmin ərazidə radioaktiv şüalanma  qalmaqdadır, həm insan həyatına həm canlı aləmə və eyni zamanda bu bitki örtüyünə təhdiddir. Gələcək nəsillər üçün təhdiddir”-deyə  ekoloq bildirib.

 Xatırladaq ki, doqquz ölkə nüvə silahına malikdir: Çin, Fransa, Hindistan, İsrail, Şimali Koreya, Pakistan, Rusiya, ABŞ və Böyük Britaniya.

 Əntiqə Rəşid