Novruzda ƏFV OLACAQ? - MÜHÜM AÇIQLAMA 

Novruzun barış və yenilənmə çağırışları, Ramazanın isə mərhəmət və bağışlanma fəlsəfəsi fonunda cəmiyyətdə ən çox səslənən suallardan biri də ənənəvi olaraq əfv sərəncamı ilə bağlı olur. Hər iki bayram Azərbaycan cəmiyyətində xüsusi mənəvi çəkiyə malikdir və illərdir ki, bu ərəfələrdə humanist qərarların qəbul ediləcəyi ilə bağlı gözləntilər formalaşır.

Son illərdə ölkədə bir neçə dəfə geniş amnistiya və əfv sərəncamları imzalansa da, hər yeni bayram öncəsi məsələ yenidən aktuallaşır. Xüsusilə də böyük amnistiyadan sonra siyahıya düşməyən şəxslərin yaxınları növbəti humanist addımı gözləyirlər. Bu baxımdan qarşıdan gələn Novruz və Ramazan bayramları ərəfəsində əfv sərəncamının imzalanıb-imzalanmayacağı yenidən ictimai müzakirə predmetinə çevrilib. Maraqlıdır, qarşıdan gələn Novruz və Ramazan bayramları münasibətilə əfv sərəncamı gözlənilirmi?

Oxu24.com  bildirir ki, mövzu ilə bağlı konkret.az-a açıqlama verən hüquq müdafiəçisi Novella Cəfəroğlu bildirib ki, hazırda bu istiqamətdə rəsmi məlumat yoxdur:

“Amma çox istərdik ki, əfv sərəncamı olsun. Böyük amnistiya oldu, başa düşürəm ki, həmin amnistiyaya bizim çox istədiklərimiz düşmədi, amma yenə də çox ailə sevindi. İndi də istərdik ki, cavan qızlarımız, siyasi fəallar azad olunsunlar”.

Hüquq müdafiəçisi qeyd edib ki, ölkədə həyata keçirilən genişmiqyaslı layihələr və gələcək planlar fonunda cəmiyyət daxilində birliyin gücləndirilməsi vacibdir:

Həmçinin oxuyun

Əli Əsədovdan təcili iclas: kimlər iştirak etdi? - Foto 

Küçədə bunu edənlər 700 manat CƏRİMƏLƏNƏCƏK    —   DİQQƏT!

SON DƏQİQƏ! Milli Məclis rəsmi açıqlama YAYDI

Bir neçə banka krediti olanlara VACİB MƏLUMAT

“Azərbaycan o qədər gözəl görüşlər keçirir, gələcəyin 100 illik planını gerçəkləşdirir. Bu işdə hamımız bir yerdə olmalıyıq. Bütün münaqişələr ölkə daxilində aradan qaldırılmalıdır ”.

Qeyd edək ki, Azərbaycanda əfv sərəncamları adətən əlamətdar tarixlər və bayramlar ərəfəsində imzalanır. Bununla belə, əfv məsələsi birbaşa dövlət başçısının səlahiyyətindədir və rəsmi qərar yalnız sərəncam imzalandıqdan sonra açıqlanır.