Gənclər günü Azərbaycan dövlətinin qurucusu, Ümummilli Lider Heydər Əliyevin uzaqgörən siyasətinə dayanır  

Hər bir millətin tarixi taleyində gənclik sadəcə bir yaş dövrü deyil, xalqın sabahını, onun sarsılmaz iradəsini və enerjisini təmsil edən ən böyük strateji gücdür. 2 Fevral – Azərbaycan Gəncləri Günü bu gücün rəsmiləşdiyi, dövlət qayğısı ilə milli idealların birləşdiyi rəmzi bir tarixdir.

Gənclər günü Azərbaycan dövlətinin qurucusu, Ümummilli Lider Heydər Əliyevin uzaqgörən siyasətinə dayanır.

Ulu Öndər yaxşı bilirdi ki, müstəqilliyi qorumaq onu qazanmaqdan daha çətindir və bu çətin, həm də şərəfli vəzifə məhz milli ruhla yetişmiş savadlı nəslin çiyinlərinə düşəcək. Onun "Gənclər bizim gələcəyimizdir" kəlamı sadəcə bir inamın ifadəsi deyil, eyni zamanda bir xalqın intellektual və hərbi intibahına hesablanmış dövlət proqramının manifesti idi.

Bu gün biz həmin uzaqgörən siyasətin ən parlaq bəhrələrini yaşayırıq. Müasir Azərbaycan gəncliyi artıq sadəcə gələcəyin ümidi deyil, həm də bu günün hərəkətverici qüvvəsidir. Biz bu gün Ulu Öndərin ən böyük vəsiyyətini yerinə yetirən, torpaqlarımızın bütövlüyünü bərpa edən və üç rəngli bayrağımızı ucaldan bir nəslin şahidi və iştirakçısıyıq. Vətən uğrunda göstərilən fədakarlıq, elmdə, texnologiyada və idmanda qazanılan beynəlxalq uğurlar sübut edir ki, Azərbaycan gəncliyi öz tarixi mirasına sadiq qalaraq modern dünyanın çağırışlarına hazırdır.

İndi bizim qarşımızda duran vəzifə bu zəfər ruhunu daimi etmək, milli-mənəvi dəyərlərimizi qorumaqla yanaşı, Azərbaycanın adını dünyanın ən qabaqcıl sıralarına yazdırmaqdır. Ulu Öndərin bizə miras qoyduğu dövlətçilik ənənələri və bugünkü güclü Azərbaycan hər bir gənc üçün ən böyük qürur mənbəyidir. Bu qürurla, inamla və sönməz bir enerji ilə dövlətimizin daha nurlu sabahlarına doğru birlikdə addımlayırıq.

Həmçinin oxuyun

Azərbaycanda nikahla bağlı mühüm qərar verildi 

9 May: Qələbə bayramı, yoxsa böyük dərslər günü?  

9 mayda bizi nələr GÖZLƏYİR?   —  ULDUZ FALI

Prezident İMZALADI:Bu iş DTX-yə həvalə OLUNDU

2 Fevral – Azərbaycan Gəncləri Günümüz mübarək olsun!

Yeni Azərbaycan Partiyasının üzvü Vüsal Hümbətzadə