Bakıda maşın sürənlərə VACİB XƏBƏR: Qadağalar ola bilər...— EKSPERTDƏN  AÇIQLAMA…  

Bakıda artan nəqliyyat sıxlığının qarşısını almaq üçün zaman-zaman müxtəlif təkliflər səsləndirilir. Onlardan biri də “hər ailəyə bir avtomobil” məhdudiyyətinin tətbiq olunması təklifidir.

Nəqliyyat məsələləri üzrə ekspert Elməddin Muradlı Oxu24.com-a açıqlamasında qeyd edib ki, ilk olaraq nəqliyyat sıxlığından danışsaq deyə bilərik ki, Bakıda nəqliyyat sıxlığının əsas səbəbi bölgələrlə bağlıdır:

“Vaxtilə yeni, daimi iş yerlərinin açılmaması vətəndaşları daha çox paytaxta üz tutmağa vadar edib. Bu yaxınlarda Cənab Prezident bəzi yeni icra başçılarını vəzifəyə təyin etdi. Qəbul edərkən bu fikiri səsləndirdi:”Bölgələrdə dayanıqlı iş yerlərinin açılmasını təmin etsinlər, insanların paytaxta axın etməsinə lüzum qalmasın.”

Bu istiqamətdə müəyyən işlər görülməlidir. İşlər nə qədər tez yerinə yetirilsə, o qədər də faydalı olacaq. 

Lakin ümumilikdə nəqliyyat infrastrukturunun düzgün qurulmamasını da qeyd edə bilərik. Çünki, vaxtında bu işlər keyfiyyətli, gələcəyə yönəlik görülmədiyi üçün müvəqqəti həllər tətbiq olundu. 

Artıq dövlət proqramı qəbul olunub. Cənab Prezident tərəfindən təsdiq edilmiş “Bakı şəhəri və ətraf ərazilərin nəqliyyat infrastrukturunun təkmilləşdirilməsi” ilə bağlı dövlət proqramı var. Bu proqrama uyğun olaraq müəyyən işlər görülür. 

Bakı şəhərində artan nəqliyyat sıxlığı fonunda götürsək, vəziyyət yaxşı deyil. Nəqliyyat sayı, Bakının yolları bir-birinə uyğun deyil. 

“Bir ailəyə bir avtomobil”. Fikrimcə, avtomobillərlə bağlı müəyyən tələb qoymaq olar. Bir ailəyə bir avtomobil tələbi qoymaq olar. Yaxud da avtomobil alan şəxs həm də avtomobili harada parking edəcəyinə dair sənəd gətirməlidir ki, onun parking üçün yeri, qarajı var. 

Amma bəzi hallarda isə adamın avtomobili saxlamaq üçün yeri olmadığı halda, 3-4 dənə avtomobili var. Ona görə də tələblər qoyulmalıdır. 

Həyət evi olanlar sənəd gətirə bilərlər ki, “Mənim həyət evim var, həyətdə avtomobil üçün kifayət qədər yerim var.” 

Həmçinin oxuyun

"Ay qaragüruh, evlənməyin yaşını siz qoymusunuz? "- Əntiqə Rəşid yazır  

ŞAD XƏBƏR! Milli Məclis  minimum əmək haqqı ilə bağlı mühüm dəyişiklik etdi

Bakıda maşın sürənlərə VACİB XƏBƏR: Qadağalar ola bilər...— EKSPERTDƏN  AÇIQLAMA…  

Prezident İlham Əliyev bu ölkəyə səfərə getdi

Hesab edirəm ki, “Hər ailəyə, bir avtomobil” təklifi ümumi nəqliyyat problemini həll edə bilməz. Müəyyən təsir göstərəcək, amma dediyimiz kimi, Bakının nəqliyyat probleminin kökü başqa yerə gedib çıxır. Bu sosial məsələdir. Bunun da dövlət səviyyəsində həlli vacibdir. 

Həlli yeni yollar çəkməklə də düzəlməyəcək. Nə qədər yol çəkəcəyiksə, o qədər də Bakıda avtomobil çox axacaq, vətəndaş çox gələcək. Bölgələrdən insanlar Bakıya axın edirsə, bunun 50%-i işlə əlaqəlidirsə, 50%-i də Bakıya gələnlərə baxıb bəhsə düşənlərdir ki, “Onlar gedirsə məndə getməliyəm” düşüncələri var”,-deyə ekspert qeyd edib.

Çimnaz Telmanqızı