Akif Nağıdan Səidə Bəkirqızı haqda sərt SÖZLƏR:  "Məhkəməyə hazıram, etdiyim heç nədən peşman deyiləm"

Jurnalist  Səidə Bəkirqızının partiya sədri Akif Nağını məhkəməyə verməsi ilə bağlı  xəbər vermişdik.

Onların arasında nə baş verib?

Məsələ ilə bağlı Oxu24.com  Akif Nağı ilə söhbətləşib.

Partiya sədri bildirib ki, mənim “Səidə”adlı problemim yoxdu:” Sadəcə olaraq,  indi bu məhkəmə verir, nə edir özü bilər. Mən bir Azərbaycan ziyalısı kimi, Qarabağ Azadlıq Təşkilatının rəhbəri kimi (hələ də özümü bu təşkilatın rəhbəri kimi hiss edirəm) məsələyə qarışmışam. Bilirsiniz ki, o illərdə Qarabağ Azadlıq Təşkilatı  bütün Azərbaycan xalqının iradəsini ortaya qoydu. İndi də həm təşkilat , eyni zaman siyasi partiya rəhbər kimi,  ziyalı kimi mövqeyimi ortaya qoymalıyam. Hər kəs əgər susacaqsa, yaxasını kənara çəkəcəksə, biz hamı kimi etmək məcburiyyətində deyilik.   Biz  Azərbaycan cəmiyyətini bu  cahillərin ixtiyarına verə bilmərik! S. Bəkirqızı məni məhkəməyə veribsə, gedib məhkəmədə mövqeyimi əsaslandıracağam”. 

Həmçinin oxuyun

SON DƏQİQƏ! General bu vəzifəyə təyin edildi

Akif Nağıdan Səidə Bəkirqızı haqda sərt SÖZLƏR:  "Məhkəməyə hazıram, etdiyim heç nədən peşman deyiləm"

Yüksək vəzifəyə təyinat baş tutdu

Baş nazirdən YENİ QƏRAR

Siyasətçi bildirib ki, bloggerin dəfələrlə köçkünləri təhqir etməsi əslində xalq arasında   dərin uçurum açıb: "Bu adam cəmiyyətdə insanları qarşı-qarşıya qoyur, məcburi köçkünləri haqsız olaraq ittiham edir, təhqir edir. Sonra da deyir ki, yox mən hamısını demirəm! Bəli, sən  hamısını deyirsən, sən bütün köçkünləri deyir!Əgər sən konkret hansısa bir köçkünü hədəf seçmisənsə , onun adını, soyadını yaz,   biz də onu  qınayaq.  Amma hər hansı bir neqativ halı bütün qarabağlıların, köçkünlərin  ayağına yazıb, onları kütləvi şəkildə təhqir etmək  ancaq cahil və  “başı çatmayan” adamların işidir. Sosial şəbəkələrə baxın: Sanki iki düşmən xalq qarşı-qarşıya durub, bir-birini təhqir edir. Hələ Səidənin tərəfdarlarından olan “İlqar Hüseynli” adlı  profil yazıbki, “Səidə Bəkirqızı, bunların  qadınlarını  ermənilər necə zorlayıbsa,  özləri TV-də etiraf edirlər. Boş verin”.  Siz cümlədəki ağırlığa  baxın, sanki bunu bir erməni yazıb.    Azərbaycan qanının  daşıyıcısı  olan insan bu cümləni işlədə bilərmi? Azərbaycan qadınlarının əsir düşməmək üçün  99 faizi özünü qayadan atmadımı? Ayaqyalın Qarabağın meşələrinə,  dağlarına  səpələnmədilərmi? Erməni əlinə düşməmək üçün intihar etmədilərmi? Onlar könüllümü ermənilərin onları zorlamasına şərait yaratdılar? Bu məntiqin  sahibi  azərbaycanlı olduğuna şübhəm var.

 Bu Səidə Bəkirqızının yaratdığı qarşıdurmanın nəticəsidir ki, Azərbaycan dövlətçiliyinin nüfuzuna  xələl gətirmək, həm də xalqa və dövlətə  zərbə vurmaqdır. Mən də yazdım ki, Səidə Bəkirqızı, siz məcburi köçkünləri bax bu şəkildə təhqir elədiyinizə görə,  mən sizə cavab vermişəm, demişəm ki, bu, təhqirdi.

 Bəli, hətta S. Bəkirqızı  özü məcburi köçkünlərdən danışarkən, üzünün  mimikası tamamilə dəyişir, gözlərindən nifrət yağır, dişlərini qıcayır.  Anlamaq olmur, bu soydaşın olan  qarabağlılara  hansı nifrətin nəticəsidir? Bu nifrəti biz bütün  detallarına qədər ermənilərdə görmüşük. Daha bir detal: ermənilər yəni istənilən düşmən sənin haqqında xoş söz deyirsə, demək sən onun xeyrinə nəsə etmisən, ona hardasa xeyir vermisən”. 

 A.Nağı iddia olunan təhqiramiz  ifadəyə də  aydınlıq gətirib:”Burada məhkəməlik olan  cümlə budur: “Səidə adında bir erməni q.. cığı”. Bəli,  mən  statusumda yazmışam “erməni q.. cığı”...  Amma, bu Səidə tərəfdarlarının iddia etdiyi kimi  deyil. Siz onu “erməni qadıncığı” kimi oxuyun!

Əgər Səidə  və onun ətrafı  bu nöqtələrin yerinə öz bildikləri sözcükləri   qeyd ediblərsə,  bu mənim problemim deyil. Onlar  Səidə haqqında elə  sözə üstünlük veriblər, necə deyərlər, bu sözü  tərcih ediblər .  Mən məhkəməyə hazıram! Etdiyim heç nədən  peşman deyiləm!"

Qeyd edək ki, jurnalist  Səidə Bəkirqızının keçmiş məcburi köçkünlərlə bağlı qalmaqallı çıxışına   Azad Vətən Partiyasının sədri Akif Nağı sərt reaksiya vermişdi.

Sitat: “…Səidə adında bir erməni q.. cığı xeyli vaxtı ki , sosial şəbəkələri zəbt edib , məcburi köçkünlərin ünvanına iftiralar yağdırır. Hesab edirəm ki, o, ermənidi və erməni xüsusi xidmət orqanları tərəfindən azərbaycanlı adı ilə hazırlanıb, ölkəmizə göndərilib, ermənilər bu metoddan bizə qarşı həmişə istifadə ediblər , ya da sonradan burada ələ alıblar , yəni “verbovka” ediblər. Onu ələ alanların məqsədi Azərbaycanda qarşıdurma və xaos yaratmaqdı. Hər kəs bilir ki , məcburi köçkünlər bu dəqiqə ayaqyalın öz yurduna getməyə hazırdı , amma köç dövlət proqramı əsasında mərhələlərlə həyata keçirilir. Bunu bu q…cığ da bilirir , amma bilərəkdən yalan danışır. Çünki o və züy tutanları həm erməni xüsusi xidmət orqanlarının tapşırıqlarını yerinə yetirir , həm də sosial şəbəkələrin qaydalarına uyğun olaraq yaxşı pul qazanırlar. Ona görə də hər kəsdən xahiş edirəm bu q…cığın yazı və çıxışlarını açmayasınız , rəy yazmayasınız. Xüsusi xidmət orqanlarından isə xahiş edirəm bunun ermənilərlə əlaqələrini araşdırsınlar. Əminəm ki , dediklərim yerini alacaq…”.

Bu paylaşımdan sonra məlum oldu ki,  S. Bəkirqızının Akif Nağını  məhkəməyə verəcəyi ilə bağlı məlumatlar yayıldı.

Əntiqə Rəşid