Prezidentin mükafatlandırdığı gənclər KİMLƏRDİR,NƏ İŞLƏYİRLƏR?   —   FAKTLAR +FOTOLAR

Xəbər verdiyimiz kimi, Prezident İlham Əliyev 2026-cı il Gənclər üçün Prezident mükafatlarının verilməsi haqqında Sərəncam imzalayıb.

Sərəncama əsasən, Gənclər üçün Prezident mükafatına namizədlərin seçilməsi üzrə Ekspert Komissiyasının təklifi nəzərə alınaraq elm, təhsil, mədəniyyət, gənclər siyasəti və gənclərlə iş, ictimai və sosialyönümlü fəaliyyət, innovasiya və sahibkarlıq sahələrində xüsusi fərqlənən şəxslər mükafatlandırılıb.

Oxu24.com  Teleqraf-a istinadən  təltif olunan gənclərdən bəziləri barədə məlumatları təqdim edir:

Gülbağda Leysanova “Regional İnkişaf” İctimai Birliyinin Beynəlxalq təşkilatlarla əməkdaşlıq şöbəsinin müdiridir.

Sərxan Ağadadaşov – Milli Aviasiya Akademiyasının Uçuş aparatlarının işlənib hazırlanması laboratoriyasının layihələndirmə üzrə aparıcı mühəndisidir.

O, Milli Aviasiya Akademiyasını təmsil edən "MokingJay" komandasının üzvü kimi pilotsuz uçuş aparatları kateqoriyasında "TEKNOFEST Azərbaycan" festivalının qalibi olub.

Elmina Həsənova mezzo-soprano səs tembirinə malik opera ifaçısıdır. O, 2024-cü ildə Hindistanın Mumbay şəhərində keçirilən mötəbər beynəlxalq opera ifaçılığı müsabiqəsində Operalia müsabiqəsində ikinci yerə və Pepita Embil mükafatına layiq görülüb.

Leyla Həsənova Qoşulmama Hərəkatı Gənclər Təşkilatının Baş katibi vəzifəsində çalışır.O, ADA Universitetində “Beynəlxalq münasibətlər” ixtisası üzrə bakalavr və “Dövlət qulluğunun təşkili və idarə edilməsi” ixtisası üzrə magistr dərəcəsi alıb.

Həmçinin oxuyun

SON DƏQİQƏ! Netanyahu İranla bağlı həmin xəbəri AÇIQLADI

Dənizdə çimərkən yoxa çıxan baş nazir KİMDİR? - MARAQLI FAKT +FOTO

Evinə çıxarış almaq istəyənlərə ŞAD XƏBƏR: Rəsmi qərar verildi

DTX Prezidentin ailəsini şantaj edən şəxsi saxlayıb  -VİDEO

Mahir Tağızadə Azərbaycanın gənc opera müğənniləri nəslinin ən görkəmli nümayəndələrindən biridir. Güclü bariton və zəngin səhnə ifaçılığı ilə o, həm ölkə daxilində, həm də xaricdə tanınır.

Səməd Novruzov – Əslən Şuşadandır. Bakı Musiqi Akademiyasını bitirib. vokolistdir. Hazırda DOST İnklüziv və Yaradıcılıq Mərkəzində çalışır.

Lamiyə Məmmədova daha öncə “Böyük Qayıdış” Gənclər Təşkilatının proqram meneceri kimi fəaliyyət göstərib. Hazırda Qarabağ Universitetinin əməkdaşıdır.

Mahmud İsmayılov - “TEKNOFEST Azerbaijan 2022” festivalında Robototexnika Müsabiqəsi üzrə qızıl medal qazanıb. Bundan başqa, o, həmin festivalda BakuSkills - 3D Çap Müsabiqəsi üzrə gümüş medala yiyələnib.