Rusiyanın “dinc əhalidən qisas almaq taktikası”: AZAL təyyarəsindən, Xarkov qatarına qədər 

Ötən gün  Rusiya növbəti bir vəhşiliyini ortaya qoydu. Rusiya Ukrayna ordusunu deyil dinc insanları hədəf aldı. Beləki,  Rusiya dronları Xarkov bölgəsində sərnişin qatarına zərbə endirdi, nəticədə lokomotivdə və vaqonda yanğın baş verdi. Ukrayna Prezidenti Vladimir Zelenski  açıqlamasında bildirdi ki, qatarda 200-dən çox insan olub:” Rusiya dronlarından birinin vurduğu vaqonda 18 nəfər olub. Üç dron tərəfindən edilən bu hücumda dörd nəfər həlak olub”. 

Xatırlayırsınız, dekabrın 25-də Bakı-Qroznı reysini yerinə yetirən “Embraer 190” tipli sərnişin təyyarəsinin qəzaya uğraması nəticəsində çoxsaylı insan tələfatı ilə əlaqədar dekabrın 26-da Azərbaycanda matəm elan edildi? AZAL təyyarəsini Rusiya vurmuşdu. Təyyarədə olan 67 nəfərdən  yalnız 29 nəfər sağ qaldı. Bəli, Rusiya əgər qisasçılığa başlayırsa, mütləq  bunu dinc insanlardan başlayır, silahsız, əliyalın, uşaq, qadın , qocadan heyfini alır. Putin hakimiyyəti Bakıda  casus yuvası olan “ Rus evi”nin  bağlanmasının qisasını  belə aldı.

İlk gündən hədəfin dinc əhalinin kütləvi  ölümünü hədəfləyən Rusiya qüvvələri Zaporojye bölgəsində Stepnoqorsk şəhəri istiqamətində irəliləməkdədirlər.

 Bütün olanlar Ukrayna mübarizlərinin   vətəni müdafiət etmək  missiyasından çəkindirmir.  Özlərindən 10

 Dəfə artıq güclü bir ordunun qarşısında duruş gətirməkdə israrlıdırlar.  Dinindən asılı olmayaraq vətənini sevən, onu qoruyan  hər kəs müqəddəs hesab olunur.  Bəlkə də Allah bu səbəbdən ukraynalılara  yardımçı olur,  bəlkə də  elə Rusiyanın  3 günə Ukrayna bizə təslim olacaq”  niyyətinə Allah rəvac vermədi? 

Özünü dünyanın “birincidərəcəli” qüdrətli dövləti hesab edən Rusiya  düz 4 ilə yaxındır ki,  özündən hər bir sahədə qat-qat zəif olan Ukraynanın qarşısında gülünc vəziyyətdə qalıb!

Rusiya indiyə qədər 1 236 570 hərbçi, 11 609 ədəd tank, 23 958 ədəd zirehli döyüş maşını, 36 713 ədəd artilleriya sistemi, 1 629 ədəd RYAS (reaktiv yaylım atəş sistemi), 1 286 hava hücumundan müdafiə sistemi, 434 ədəd hərbi təyyarə, 347 ədəd helikopter, 76 102 ədəd avtomobil texnikası, 117 724 ədəd PUA, 4 205 qanadlı raket, 28 gəmi/kater, 2 sualtı qayıq, 4 053 xüsusi avadanlıq itirib.

Bu gün  Rusiya bu qanlı və işğalçı savaşda nələr itirdiyinin fərqində deyil bəlkə, amma  dürüst insanlar, mərhəmətli   şəxslər  anlayır ki, nahaqq, heç vaxt haqqa qalib gələ bilməyəcək.  Haqq gec gələ bilər, amma  gəlir!

 Əntiqə Rəşid

Həmçinin oxuyun

Nazirlər Kabineti yeni QƏRAR VERDİ

Müşfiq Abbasov bu məşhurun yeznəsi İMİŞ —  DETALLAR  

Su ilə bağlı BƏDBİN PROQNOZ: Bahalaşma və fasiləli rejim GÜNDƏMDƏ  

Mikayıl Cabbarovdan YENİ TƏYİNAT  -FOTO