Nə dərmanı var, nə peyvəndi - Ölümcül virus Azərbaycana da gələ bilər?

Son zamanlar Hindistan və Banqladeşdə Nipah virusu geniş yayılıb. Bu virusun COVID-19-dan daha təhlükəli və yüksək ölüm nisbətinə malik olduğu bildirilir. Epidemiya ölkənin şərqindəki Qərbi Benqal əyalətində başlayıb.

Hazırda həkimlər və tibb bacıları da daxil olmaqla beş yoluxma halı məlumdur, təxminən 100 nəfər isə evdə karantinə alınıb. Hindistan ölümcül virusun yayılmasının qarşısını almaq üçün mübarizə aparır.

Ümumdünya Səhiyyə Təşkilatı (ÜST) bu virusla bağlı təcili araşdırma aparılmasına çağırış edib.

Bu virus nədir və necə yayılır?

Oxu24.com  xəbər verir ki, mövzu ilə bağlı Teleqraf-a İnfeksion Xəstəlikləri və Klinik Mikrobiologiya mütəxəssisi Vasif Əliyev danışıb. O bildirib ki, xəstəliklə bağlı əsas problem dərman, peyvəndinin olmamasıdır.

Onun sözlərinə görə, bu xəstəliyə, xüsusilə, yarasa və donuzların ifrazatları ilə çirkləndirilmiş yeyəcəklərin qəbulu və xəstə insanlarla təmasda olarkən hava-damcı yolu ilə yoluxmaq mümkündür:

Həmçinin oxuyun

Azərbaycanda qar yağacaq     —   XƏBƏRDARLIQ

DSMF ödənişlərlə bağlı AÇIQLAMA YAYDI

“Qarabağ”ın haqqı yeyildi, yoxsa hakim düzgün qərar verdi? – Azərbaycan futbolunda QALMAQAL  

Nazirdən yeni təyinatlar - FOTO

“Aparılan araşdırmalara görə, bəzən bu virus asimptomatik keçə bilər. Yəni hər hansı simptom olmadan özünü büruzə verə bilər. Virus 70% hallarda ölümə də səbəb olur. Ağciyərdə atipik pnevmoniya halında özünü büruzə verir, həmçinin ən ölümcül forması olan beyin iltihabına da səbəb olur. Bu da 24-48 saat ərzində xəstənin komaya düşməsinə qədər gedib çıxa bilər, hətta xəstə ölə də bilər”.

O, xəstəliyin dünyada geniş yayılacağı ilə bağlı narahatlığa səbəb olmadığını bildirib.

"İnsanlar arasında xəstəliyin ötürülmə faizi çox aşağıdır. Burada ən önəmli nüans risk qrupunda olan ölkələrə səfər edərkən diqqətli olmaqdır. Xüsusilə, inkubasiya dönəminin 4-14 gün olduğunu nəzərə almaq lazımdır. Belə bir təmas riski olduqda və Nipah virusunun yayıldığını düşündüyümüz anda həkimə müraciət etmək lazımdır”, - V. Əliyev əlavə edib.

Qeyd edək ki, Səhiyyə Nazirliyindən hazırda Azərbaycanda Nipah virusu ilə bağlı hər hansı yoluxma halı qeydə alınmadığı və virusun ölkəmiz üçün endemik hesab edilmədiyi bildirilib.Ölkə.az