Bir zamanlar yüksək vəzifə tutmuş məmurun adı şəhid ailəsi ilə qalmaqalda HALLANIR   —   MEHDİYEV KİMDİR?

Ailəsindən 3 nəfər şəhid olan qadın keçmiş vəzifəli şəxs tərəfindən qanunsuz tələblərlə qarşılaşdığını bildirib.

Oxu24.com xəbər verir  ki,bu barədə Citypost.az saytına əri polis baş-leytenantı Sərvər Abbasov,atası Eldar Dadaşov və qardaşı Uğur Dadaşov Qarabağ Müharibəsində qəhrəmancasına şəhid olmuş Hicran Dadaşova  bildirib.

O, müraciətində bildirir: “Həyat yoldaşım,atam və qardaşım– hər üçü Qarabağ Müharibəsi şəhidləridir. NZS qəsəbəsindəki Mingəçevir küçəsi 22-də yerləşən baxımsız vəziyyətdə olan ərazini öz hesabımıza zibillərdən və digər məişət tullantılarından təmizləməklə, kiçik də olsa mebel sexi qurmuşuq. Çətinliklə də olsa ailəmizi birtəhər dolandırırıq.

Bir neçə gün əvvəl özünü Baş Prokurorluğun məsul işçisi kimi təqdim edən Layiq Mehdiyev adlı şəxs sexə gəlib orada inzibati işləri həyata keçirən Eltac Şəmiyevə guya sexin yerləşdiyi ərazinin ona məxsus olduğunu bildirib.

O, E.Şəmiyevə ərazini tezliklə tərk etmək tapşırığı verib. Biz dəfələrlə onunla danışıqlar yolu ilə məsələyə aydınlıq gətirmək istədik və əraziyə dair əlində hər hansı hüquqi sənəd təqdim etməsini tələb etdik. O isə telefonundakı 1991-ci ildə Rayon Xalq Deputatları Soveti tərəfindən verilmiş rus dilində olan hansısa müammalı qərarın  şəklini göstərməklə kifayətlənib. L.Mehdiyev daha sonra bildirib ki, sahənin 6 sotu ona, qalan hissəsi isə hələlik kimliyi bizə bəlli olamayan 2 nəfər şəxsə məxsusdur.

O, indiyədək 3 dəfə sexə gəlib. Əlimizdə onun apardığı söhbətlər və bizə olan təhdidlərə dair video materallar mövcuddur. Sonradan öyrəndik ki, Layiq Mehdiyev adlı şəxs Baş Prokurluqda və onun hər hansı yerli qurumunda çalışmır. O, 90-cı illərin sonlarında həqiqətən Bakı şəhər Prokurorunun müavini vəzifəsində təmsil olunub. Hazırda isə vaxtilə təhsil aldığı Rusiya Federasiyasında yaşayır və biznes fəaliyyəti ilə məşğuldur. Biz ona şəhid ailəsi olduğumuzu, bura bizim yeganə qazanc mənbəyimiz olduğunu, ərazidə dair hüquqi sənəd (çıxarış) təqdim edəcəyi tərzdə, ərazini könüllü tərk edəcəyimizi təkrar bildirdik. L.Mehdiyev isə təhqiramiz şəkildə ironiya ilə gülümsəyərək “İstəsəm bura 10 şəhid ailəsi tökərəm” deyərək bizi təhqir etdi və  hədələdi".

Oxu24.com şəhid ailəsinin iddiaları ilə bağlı yazıda adı hallanan keçmiş Prokurorluq işçisi Ləyaqət Mehdiyevlə əlaqə saxlayıb.

Həmçinin oxuyun

Milli Məclis bu qanunda dəyişiklik etdi: müəllimlərin imtahan qaydası dəyişir

73 mindən çox abonentin qazı olmayacaq

Anar Əliyevdən yeni TƏYİNAT

Kəmaləddin Heydərovun yeni müavini kimdir?   —  Bundan öncə ekspert olub 

O,sayta açıqlamasında belə bir hadisənin yaşandığını,sözügedən obyektin ona məxsus olduğunu bildirib.

"Mən heç zaman şəhid ailəsi ilə üz-üzə gəlməmişəm.Yazıda müraciət edən xanımı da tanımıram.Həmin obyekt mənə məxsusdur.Sənədlərim də var.Hazırda işlə bağlı hüquqi proseslər gedir.Onlar qanunsuz olaraq mənə məxsus əraziyə giriblər.Orada qanunsuz fəaliyyətlə məşğuldurlar",-deyə Ləyaqət Mehdiyeb bildirib.

O,özünü vəzifəli şəxs kimi təqdim etdiyi deyilən iddiaya da münasibət bildirib.

"Mən hazırda heç bir vəzifə tutmuram.Heç bir qurumun adından da istifad etməmişəm.Sübutları varsa,təqdim etsinlər.Hamı bilir ki,mən harada,nə vaxt və necə işləmişəm.Bunları deməyə nə ehtiyac varki?",-deyə o bildirib.

Bəs siz həmin obyekti necə əldə etmisiniz,çıxarışınız varmı? suallarına Ləyaqət Mehdiyev cavab vermək istəməyib.

Miri Məcidli