Açıq söyüşlər,əxlaqsız təkliflər: Nəzarətsiz qalan "Bigo Live"dan şikayətlər var 

Son vaxtlarda  sosial şəbəkələrdə  əxlaqsızlığı,bayağılığı,cinayəti təbliğ edən şəxslərə qarşı  tədbirlər görülməkdə davam edir.

Qeyd edilən silsilə tədbirlərin nəticəsi olaraq  “Tiktok” da  və  digər  sosial  şəbəkələrdə    nalayiq  ifadələr  istifadə   edənlərin  sayı  xeyli  azalıb.Bu şəbəkələr  üzərində  nəzarət  olduğundan  istifadəçilər bir  növ  cəzadan  çəkinirlər.

Oxu24.com xəbər  verir  ki,bu yolu seçən  bir  sıra  sosial şəbəkə istifadəçiləri özlərinə yeni  məkan tapıblar. Bu proqram “Bigo Live” adlanır. Bu barədə saytımıza bir neçə şəxs müraciət edərək  şikayətlərini bildiriblər.

Sayta müraciət edən X.Y adlı xanım bildirib ki, sözügedən sosial şəbəkədə canlı yayımlara çıxan  Tural Talıblı adlı   şəxs  istifadəçiləri  açıq  söyüşlərlə  təhqir və təhdid edir. Sözügedən şəxs  bu  sosial  şəbəkənin  polis nəzarətindən kənar  olmasından  pərvazlanaraq  bu addımı  atır.

Bununla bağlı saytımıza bir neçə  video  görüntü də təqdim olunub.Sözügedən  videoda mətbuatda  səsləndiirlməsi mümkün olmayan ifadələr olduğu üçün təqdim edə bilmədik.

Bəs,bu şəbəkə  haradan idarə  olunur?Nəzarət niyə yoxdur?

Araşdırmamız zamanı məlum oldu ki,sözügedən proqram  Rusiya və Sinqapurun birgə nəzarətində olan sosial şəbəkədir.Bir sıra ölkələr  burada  açıq  pornoqrafiyanın təbliği  getdiyi üçün bu proqramı  bloklayıb.Azərbaycanda isə  proqrama nəzarət demək olar ki, yoxdur.

Həmçinin oxuyun

Mədət Quliyevin xanımının yeni peşəsi 

Nazirin yüksək vəzifə verdiyi ŞƏXS KİMDİR?

SON DƏQİQƏ! Gültəkin Hacıbəylidən XƏBƏR VAR 

Altı gün sulu qar, qar yağacaq - XƏBƏRDARLIQ

 Əldə etdiyimiz məlumata görə,Tural Talıblı  “Bigo Live” proqramında “Dino” ləqəbi ilə qeydiyyatdan keçib.Onun keçmiş hərbi hazırlıq müəllimi olduğu deyilir.

Oxu24.com iddialarla bağlı  Tural Talıblı ilə əlaqə saxlayıb. O,məsələdə qarşı tərəfi ittiham edib.

“Bu proqramda  qadınlar  pul  qarşılığında  özlərini kişilərə təklif edilər.Əxlaqsızlığı yayırlar. Proqram Azərbaycan tərəfindən təsdiq olunmadığı üçün istədiklərini edirlər.Həmin  proqramda qadınlardan biri mənim 1600 pulumu yeyib.Bunun üstündə aramızda münahisə düşdü.Mən də əsəblərimi saxlaya bilməyib,ona etik olmayan sözləri dedim.İş hazırda polisdədir”,-deyə Tural Talıblı bildirib.

Oxu24.com “Bigo Live” proqramı barədə araşdırmalarını davam etdirəcək.

Miri Məcidli