Direktorların işə qəbulu müsabiqəsinin nəticələri elan edilib
16 Noyabr 2026, 18:52
Qaynar xətt:
(+99450) 247 90 86
CƏMİYYƏT
641
30.09.2025, 20:28
Kardioloq, ürək-damar cərrahı, tibb elmləri namizədi Nikita Safonovun sözlərinə görə 35 yaşdan yuxarı hər bir insan ildə azı bir dəfə ürək müayinəsindən keçməlidir.
Oxu24.com xəbər verir ki, o, bu barədə "gazeta"ya açıqlama verib.
"Ürək-damar xəstəlikləri hələ də Rusiya əhalisi arasında ölümün əsas səbəblərindən biridir və bütün halların təxminən 50 faizini təşkil edir. Son illərdə səhiyyə sahəsində görülən tədbirlər nəticəsində infarkt və insultdan ölüm halları əhəmiyyətli dərəcədə azalsa da, profilaktikaya diqqət daha da artırılmalıdır".
Safonov bildirib ki, ürək xəstəliklərinin inkişafına təsir edən modifikasiya oluna bilən risk faktorlarına nəzarət etmək vacibdir. Bunlara artıq çəki, siqaret çəkmə, düzgün qidalanmama, azhərəkətli həyat tərzi, alkoqol istifadəsi, yuxu pozuntuları daxildir. Bundan əlavə, arterial hipertenziya, şəkərli diabet, dislipidemiya və aritmiya da ciddi risk amillərindəndir.
"Statistikaya görə infarktdan ölüm hallarının 29 faizdən çoxu fıbrillyasiya ilə bağlıdır. Halbuki bu xəstəlik həm dərmanlarla, həm də radiofrekans ablasiya kimi innovativ minimal invaziv əməliyyatlarla uğurla müalicə oluna bilər", - deyə həkim vurğulayıb.
Onun sözlərinə görə, 35 yaşdan sonra ildə bir dəfə əsas kardioloji müayinədən keçmək tövsiyə olunur. Bu müayinəyə EKQ, ürəyin UZI-si (exokardioqrafiya), qan təzyiqi və nəbzin ölçülməsi, qan analizləri (lipid profili, qlükoza və ya qlikohemoglobin, lazım gələrsə TSH hormonu) daxildir.
Safonov əlavə edib ki, ürəkdə hər hansı narahatlıq əlamətləri müşahidə olunarsa, özbaşına müalicə ilə məşğul olmaq olmaz, vaxt itirmədən həkimə müraciət etmək lazımdır. Mövcud ürək-damar xəstəlikləri olan xəstələr isə müalicə planına ciddi şəkildə əməl etməlidirlər.
"Əfsuslar olsun ki, profilaktik müayinələrə münasibət bizdə çox vaxt formal xarakter daşıyır. Halbuki bu müayinələr insanların həyatını xilas edə bilər", - deyə kardioloq yekunlaşdırıb.
18:58 / 16 Noyabr 2026
1
18:52 / 16 Noyabr 2026
38
18:45 / 16 Noyabr 2026
46
18:41 / 16 Noyabr 2026
52
18:35 / 16 Noyabr 2026
99
18:23 / 16 Noyabr 2026
70
18:17 / 16 Noyabr 2026
94
18:16 / 16 Noyabr 2026
56
18:05 / 16 Noyabr 2026
76
18:04 / 16 Noyabr 2026
77
17:55 / 16 Noyabr 2026
80
17:50 / 16 Noyabr 2026
313
17:47 / 16 Noyabr 2026
78
17:30 / 16 Noyabr 2026
92
17:26 / 16 Noyabr 2026
104
17:25 / 16 Noyabr 2026
88
17:25 / 16 Noyabr 2026
110
17:19 / 16 Noyabr 2026
102
17:12 / 16 Noyabr 2026
95
17:10 / 16 Noyabr 2026
96
17:01 / 16 Noyabr 2026
104
16:55 / 16 Noyabr 2026
108
16:52 / 16 Noyabr 2026
97
© 2026 Oxu24.com Müəllif hüquqları qorunur.