Sosial müavinətlərlə bağlı AÇIQLAMA
17 Noyabr 2026, 14:52
Qaynar xətt:
(+99450) 247 90 86
CƏMİYYƏT
725
02.08.2025, 23:03
"Övladım SAT imtahanlarından 1310 bal toplayıb. Amma ADA universitetinə qəbul ola bilmədi. Çünki suallar bəzi kurslar tərəfindən satıldı. Ballar bu il birdən-birə 1500-1600-ə qalxdı. Bu, necə ola bilər?".
Oxu24.com axşam.az-a istinadən xəbər verir ki, bu sözləri aparıcı Aytəkin Mərdanova deyib. ABŞ-də yaşayan jurnalist Qənirə Ataşova ilə instaqramda canlı yayıma girən aparıcı imtahan suallarının satıldığını iddia edib və oğlunun yüksək bal toplamasına baxmayaraq, universitetə qəbul olmadığını deyib:
"Uşağım 6 ay hazırlaşdı. 1310 bal toplayıb, getdik və bizə heyvandarlıq təklif olunur. Uşağım bu fakültəni istəmir. Oğlum deyir ki, əgər 1500 bal toplayıramsa, gedib Amerikada oxuyaram. Tələbələrə təklif edirdilər ki, kiminsə yerinə imtahana girin. ADA Universitetinə getdim, uşaqlar yüksək balla heç bir yerə qəbul ola bilmirlər. Nə üçün 1500, 1600 bal toplayan uşaqların görüntüsünü yayıb, tanıtmırlar? Paylaşsınlar, biz də tanıyaq həmin istedadlıları. İki il idi xaricə düşünürdük. Amma sonra fikrimizi dəyişdik, ötən ilin balına uyğun fakültə seçdik. Ötən il 1240 balla riyaziyyat fakültəsini çoxları qəbul etməyib. Bu il 1440 balla uşaqlar həmin fakültədədir. Çox istəyərdik qanunsuzluq üzə çıxsın. Bundan sonra biz heç həmin universitetə yenidən müaricət edə bilmərik. Amma digər tələbələrin haqqı tapdalanmasın. Onsuz oğlum Avropa və ya Türkiyədə universitetə gedəcək. Yetəri qədər savadı var. Sadəcə, stress keçirtdik. Necə olur 1310 balla oğlum heç yerə düşmədi?".
Q.Ataşova məsələ ilə bağlı danışarkən "Heç Amerikada ingilis dili təmiz olanlar 1600 bal toplamır. Azərbaycanda bu, necə baş verib? Oğlumun ingilis dostu olan qız 1000 bal toplayıb sevinir. Dövlət yüksək balla qəbul olan uşaqları nəzarətə götürməli, yenidən yoxlamalıdır. Həmin sualları satanlar yoxlanılmalıdır. Çünki ölkənin təhlükəsizlik xidmətinə girir bunlar. Kompüterin qarşısında uşaq oturur, amma başqası girib orda onun yerinə imtahanı verir. Yəni uzaqdan idarə edir. Bütün bunlar araşdırılmalıdır. Valideynlər hamısı birlikdə ərizə yazmalı, şikayət etməlidir" sözlərini deyib.
Qeyd edək ki, Q.Ataşova bundan əvvəl də SAT imtahanlarında saxtakarlığa yol verilməsi ilə bağlı paylaşım emişdi.
14:52 / 17 Noyabr 2026
1
14:35 / 17 Noyabr 2026
48
14:15 / 17 Noyabr 2026
52
14:02 / 17 Noyabr 2026
68
13:57 / 17 Noyabr 2026
80
13:45 / 17 Noyabr 2026
80
13:24 / 17 Noyabr 2026
97
13:22 / 17 Noyabr 2026
106
12:58 / 17 Noyabr 2026
94
12:55 / 17 Noyabr 2026
106
12:43 / 17 Noyabr 2026
101
12:25 / 17 Noyabr 2026
110
12:05 / 17 Noyabr 2026
662
11:58 / 17 Noyabr 2026
109
11:56 / 17 Noyabr 2026
335
11:28 / 17 Noyabr 2026
108
11:00 / 17 Noyabr 2026
155
10:54 / 17 Noyabr 2026
138
10:50 / 17 Noyabr 2026
156
10:45 / 17 Noyabr 2026
141
10:32 / 17 Noyabr 2026
153
10:30 / 17 Noyabr 2026
154
10:22 / 17 Noyabr 2026
154
© 2026 Oxu24.com Müəllif hüquqları qorunur.