FAO Azərbaycanla gələcək əməkdaşlıqda 11 prioritet istiqamət müəyyən edib
20 Noyabr 2026, 11:05
Qaynar xətt:
(+99450) 247 90 86
CƏMİYYƏT
899
27.01.2025, 23:59
00:07
OXU24.COM -un məlumatına görə, 24 yaşlı A.Kərimova və 54 yaşlı T.Əskərova işdən gələrkən onları avtomobil vurub. Məlum olub ki, onları vuran şəxs bir gün əvvəl elçilikdə rədd cavabı alan Araz adlı şəxsdir.
Ailə başçısı Bəhərçin Kərimov baş verən hadisə ilə bağlı təfərrüatı bölüşüb:
"Elçi gəlmişdilər, qızı vermədik. Növbəti gün uşaqlar işdən gələndə maşınla qəsdən vurub. Elçilikdə rədd cavabı aldığı üçün belə bir addım atıb. Onlar bizim ailəyə uyğun olmadıqları üçün qızı vermədik.
Bundan əvvəl də dəfələrlə qız qaçırıb. Kirayə məsələsi vardı. Ailə üzvlərimizə ev lazım idi. Dedilər gəlin, boş evimizdə qalın. Gedib qaldıq. Qızı vermədik deyə dava saldılar, həmin evdən də çıxardılar.
Hadisə arvadım və qızım işdən gələndə olub. Yolda rastlaşıblar, maşını üstlərinə sürüb, qızı vuranda həyat yoldaşım övladımı yan tərəfə itələyib ki, ciddi xəsarət almasın.
Bununla da kifayətlənməyib, avtomobili arxaya sürüb arvadımı da vurub. Bu adam cəzalandırılmalıdır".
Xaçmaz rayon Mərkəzi Xəstəxanasının həkimi Mehdi Həsənov zərərçəkənlərin aldığı xəsarətlərdən həyati təhlükəsi olmadığını bildirib:
"Yol nəqliyyat hadisəsi nəticəsində Xaçmaz Rayon Mərkəzi Xəstəxanasının Təcili Tibbi Yardım Bölməsinə 2 nəfər xəstə daxil olub, ana və qızı. Qadının çanaq nayihəsi əzilib, qızında isə, sağ tərəfdən bel nayihəsi əzilib. Xəstələrə müvafiq tibbi yardım göstərilib və ambulator müalicəyə buraxılıb. Məsələyə Xaçmaz Rayon Polis Şöbəsində hüquqi qiymət veriləcək".
Daxili İşlər Nazirliyinin Mətbuat Xidmətinin əməkdaşı Xəyal Talıbov bildirib ki, məsələ ilə bağlı Xaçmaz rayon Polis Şöbəsinə məlumat daxil olub:
"Hadisə ilə bağlı ekspertiza təyin edilib. Hazırda araşdırma aparılır". (Shimal.News)
-------------
07:38
Xaçmaz rayonunda yol-nəqliyyat hadisəsi zamanı ana və qızı xəsarət alıb.
OXU24.COM məlumat verir ki, 2001-ci il təvəllüdlü A.Kərimova və onun anası 1971-ci il təvəllüdlü T.Əskərova işdən gələrkən onları Araz adlı şəxs maşınla vurub.
Yaralıların bildirdiyinə görə, Araz adlı şəxs bir neçə gün əvvəl onlara elçi gəlib və yox cavabı aldığına görə qəsdən bu hadisəni törədib.
Hadisə ilə bağlı araşdırmalar davam etdirilir.
11:03 / 20 Noyabr 2026
1
11:01 / 20 Noyabr 2026
15
10:49 / 20 Noyabr 2026
46
10:40 / 20 Noyabr 2026
50
10:20 / 20 Noyabr 2026
68
10:20 / 20 Noyabr 2026
59
10:16 / 20 Noyabr 2026
76
10:10 / 20 Noyabr 2026
104
10:10 / 20 Noyabr 2026
69
10:03 / 20 Noyabr 2026
256
10:00 / 20 Noyabr 2026
126
10:00 / 20 Noyabr 2026
99
09:51 / 20 Noyabr 2026
79
09:46 / 20 Noyabr 2026
83
09:41 / 20 Noyabr 2026
85
09:34 / 20 Noyabr 2026
106
09:31 / 20 Noyabr 2026
685
09:26 / 20 Noyabr 2026
84
09:14 / 20 Noyabr 2026
94
09:01 / 20 Noyabr 2026
72
08:37 / 20 Noyabr 2026
70
23:55 / 19 Noyabr 2026
190
23:26 / 19 Noyabr 2026
227
© 2026 Oxu24.com Müəllif hüquqları qorunur.