Badamdardakı sürüşmə sahəsində vəziyyət nə yerdədir?
20 Noyabr 2026, 14:00
Qaynar xətt:
(+99450) 247 90 86
CƏMİYYƏT
1408
22.01.2025, 11:56
Bir neçə gün öncə İmişlidə baş verən qəzada xəsarət alan məktəbli Məhbubə Əlizadə vəfat edib.
Bu barədə Oxu24.com nun sorğusuna cavab olaraq TƏBİB-dən məlumat verilib.
Bildirilib ki, yanvarın 18-də İmişli rayonu Yalavac kəndi ərazisində baş vermiş yol-nəqliyyat hadisəsində xəsarət alaraq Yeni Klinikaya hospitalizasiya olunan azyaşlının (qadın cinsli) həkimlərin çoxsaylı səyinə baxmayaraq, 22.01.2025-ci il tarixində saat 01:45 radələrində ölüm faktı qeydə alınıb.
Qeyd edək ki, 2015-ci il təvəllüdlü azyaşlının sağ bazu və sağ mil sümüyündə, eləcə də sağ təpə sümüyündə sınıq, ağciyərində təktərəfli pnevmotoraks aşkarlanmış, döş qəfəsi balonu yerləşdirilmişdir. Sağ təpə sümüyündəki təktərəfli sınıq və beyindəki ağır ödəm səbəbilə həkim-neyrocərrahlar tərəfindən dekompresyon kraniotomiya əməliyyatı icra edilmiş və pasiyent tibb müəssisəsinin Uşaq reanimasiya və intensiv terapiya şöbəsində süni tənəffüs cihazına qoşulmuşdu və yüksək inotrop dəstəyi alırdı.
Xatırladaq ki, yanvarın 18-i saat 12:30 radələrində İmişli şəhəri ərazisində “Mercedes-Benz” markalı fərdi nəqliyyat vasitəsi və “BMW” markalı DYP avtomobilinin iştirakı ilə ölümlə nəticələnən yol-nəqliyyat hadisəsi baş verib. Xidmətə gedən DYP avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib.
Hadisə nəticəsində 3 məktəbli ölüb, YPX avtomobilinin sürücüsü isə xəsarət alıb.
İlkin istintaq tədbirləri ilə İmişli rayon sakini 2008-ci il təvəllüdlü Bəylər Bayramlı təqsirləndirilən şəxs qismində cəlb edilərək barəsində həbs qətimkan tədbiri seçilib.
13:54 / 20 Noyabr 2026
1
13:41 / 20 Noyabr 2026
91
13:35 / 20 Noyabr 2026
46
13:27 / 20 Noyabr 2026
52
13:25 / 20 Noyabr 2026
58
13:17 / 20 Noyabr 2026
61
13:13 / 20 Noyabr 2026
59
13:08 / 20 Noyabr 2026
272
13:06 / 20 Noyabr 2026
66
13:01 / 20 Noyabr 2026
67
13:00 / 20 Noyabr 2026
86
12:52 / 20 Noyabr 2026
83
12:50 / 20 Noyabr 2026
72
12:48 / 20 Noyabr 2026
80
12:47 / 20 Noyabr 2026
169
12:37 / 20 Noyabr 2026
81
12:30 / 20 Noyabr 2026
78
12:23 / 20 Noyabr 2026
245
12:11 / 20 Noyabr 2026
84
11:43 / 20 Noyabr 2026
105
11:42 / 20 Noyabr 2026
221
11:36 / 20 Noyabr 2026
100
11:20 / 20 Noyabr 2026
127
© 2026 Oxu24.com Müəllif hüquqları qorunur.