Aşağı ətrafların uyuşması, hissiyatının azalması, keyiməsi insanda skleroz və artrit xəstəliyinin başlanmasının siqnalı ola bilər.

Oxu24.com  xəbər verir ki, bu barədə həkim terapevt İrina Yeskova bildirib.

Əgər ayaqlarda uyuşma, keyimə tez-tez mütəmadi baş verirsə, o zaman həkim nevroloqa getmək lazımdır. Bu artıq ciddi xəstəliklərdən ola bilər.
“şəkərli diabetdə, dağınıq sklerozda və revmatoid artritdə neyropatiya – sinir uclarının getdikcə zəifləməsi baş verir. Neyropatiyada ayaqların həm yuxarısı, həm də aşağısı zədələnir. Eləcə də çox alkoqol içənlərdə də bu haş baş verə bilər.

Digər səbəb aşağı və yuxarı ətrafların arteriya damarlarının xəstəliyi – Reyno və endarterit ola bilər.

Sadalanan xəstəliklər kifayət qədər ciddidir”. (medicina.az)