Alma sirkəsi damarları açır? — Kardioloqdan HƏYACAN SİQNALI: Əksinə, bu xəstəliklərə yol açır!  

Alma sirkəsinin damarları təmizlədiyi və təzyiqi tənzimlədiyi barədə cəmiyyətdə geniş yayılmış yanlış inanclar mövcuddur. Bir çox insan həkim məsləhəti olmadan müxtəlif xalq təbabəti üsullarına güvənərək bu vasitədən damar tıxanqlığının qarşısını almaq üçün gündəlik istifadə edir. Lakin mütəxəssislər aşırı sirkə qəbulunun faydadan çox ciddi sağlamlıq fəsadlarına yol aça biləcəyi ilə bağlı həyacan təbili çalırlar. Elmə əsaslanmayan bu kimi vasitələr bəzən həyati təhlükə yaradan xəstəliklərin vaxtında müalicə olunmasının qarşısını alır. Bəs reallıqda alma sirkəsi damarları açırmı, yoxsa bu sadəcə tibbi əsası olmayan bir mifdir? Mövzu ilə bağlı təfərrüatları öyrənmək üçün mütəxəssis rəyinə müraciət etdik.

Oxu24.com xəbər verir ki, Baku Medikal Plazanın kardioloqu Dr. Üzeyir Rəhimov alma sirkəsinin orqanizmə və damar sağlamlığına təsiri ilə bağlı geniş açıqlama verib.

Kardioloq bildirib ki, alma sirkəsi yalnız yeməkdən sonra qandakı şəkər miqdarını azaldır və heyvanlar üzərində aparılan təcrübələrdə triqliserid dediyimiz yağları azaltdığı göstərilib. Lakin pis xolesterini (LDL) düşürdüyü insanlarda sübuta yetirilməyib. Alma sirkəsinin ürək damarlarını açması haqqında isə heç bir elmi əsas yoxdur.

Həkim qeyd edib ki, əksinə, qədərsiz istifadə edilən alma sirkəsinin orqanizm üçün ciddi zərərləri var:

•Diş minasının zədələnməsi: Sirkənin tərkibindəki turşu diş minasının zədələnməsinə səbəb olur.

•Mədə yaraları: Sirkə daha çox antiseptik və təmizləyici maddə kimi istifadə edildiyindən, azğın miqdarda qəbul edildikdə qida borusunda və mədədə yaralar yaradır.

•Bağırsaq paralici (parez): Xüsusilə şəkər xəstələrində bağırsaq hərəkətlərini yavaşlatdığı üçün bağırsaq parezinə (iflicinə) gətirib çıxara bilər.

•Sümük ərəməsi: Həddindən artıq qəbul edildikdə sümüklərdə ərəmələrə və zəifləməyə yol açır.

Dr. Üzeyir Rəhimov vurğulayıb ki, yeməklərə və salatlara az miqdarda əlavə edilən alma sirkəsi faydalı olsa da, onun damar açıcı heç bir təsiri yoxdur.

Həmçinin oxuyun

Leysan, şimşək, dolu, duman... - DYP-dən sürücülərə vacib çağırış  

Ali Baş Komandan,polis,hərbçi və Xalqın birgə yazdığı tarix — 20 sentyabr 2023-cü ilin tarixçəsi  

Azərbaycanın yeni paytaxtı bu şəhər olacaq? - SÜRPRİZ 

Maaşınızın ən azı 50 faizi qədər əlavə ödəniş ala bilərsiniz – Bu halda