Yuxu iflici nədir və niyə insan yuxudan oyansa da, hərəkət edə bilmir?
13 Noyabr 2026, 21:36
Qaynar xətt:
(+99450) 247 90 86
TİBB
270
27.08.2026, 13:45
Əllərdə əsmə, tez yorulma, halsızlıq və ümumi zəiflik kimi şikayətlər bir çox insan tərəfindən qalxanabənzər vəzin (zob) problemləri ilə əlaqələndirilir. Lakin mütəxəssislər bildirirlər ki, bu əlamətlər təkcə endokrin xəstəliklər zamanı deyil, həm də qan azlığı (anemiya) hallarında müşahidə oluna bilər.
Həkimlərin sözlərinə görə, oxşar simptomlar səbəbindən bəzi pasiyentlər özlərinə diaqnoz qoymağa çalışır və bu da düzgün müalicənin gecikməsinə səbəb olur. Buna görə də şikayətlərin səbəbini müəyyən etmək üçün ilk növbədə tibbi müayinədən və laborator analizlərdən keçmək vacibdir.
Mövzu ilə bağlı Oxu24.com-a açıqlama verən həkim-mütəxəssis Dr. Mirəldar Babayev bildirib ki, sadalanan əlamətlər həm qan azlığında, həm də qalxanabənzər vəzin bəzi xəstəliklərində rast gəlinə bilər.
“Əllərin əsməsi, tez yorulma, halsızlıq və digər oxşar simptomlar doğrudan da qalxanabənzər vəz xəstəliklərində müşahidə oluna bilər. Lakin eyni əlamətlər qan azlığı zamanı da ortaya çıxır. Buna görə də təkcə simptomlara əsasən nəticə çıxarmaq düzgün deyil”, – deyə həkim qeyd edib.
Mütəxəssisin sözlərinə görə, belə hallarda ilk addım həkimə müraciət etmək və lazımi analizlərdən keçmək olmalıdır:
“Əgər bu simptomlar qan azlığı ilə əlaqədardırsa, laborator müayinələr vasitəsilə bunun səbəbi müəyyən ediləcək və xəstəyə uyğun müalicə təyin olunacaq. Qan göstəriciləri normal olduqda isə digər ehtimallar araşdırılmalı və zərurət yaranarsa, pasiyent endokrinoloq da daxil olmaqla müvafiq mütəxəssislərə yönləndirilməlidir”.
Dr. Mirəldar Babayev vurğulayıb ki, özünüqiymətləndirmə və ya internetdəki məlumatlara əsaslanaraq diaqnoz qoymaq sağlamlıq üçün risk yarada bilər.
Mütəxəssis vətəndaşlara uzunmüddətli halsızlıq, tez yorulma, başgicəllənmə, əllərdə əsmə və digər oxşar şikayətlər yarandıqda vaxt itirmədən həkimə müraciət etməyi tövsiyə edib. Onun sözlərinə görə, düzgün diaqnoz və vaxtında başlanılan müalicə bir çox xəstəliklərin qarşısının alınmasında mühüm rol oynayır.
00:08 / 16 Noyabr 2026
156
23:41 / 15 Noyabr 2026
173
23:35 / 15 Noyabr 2026
270
23:32 / 15 Noyabr 2026
141
23:07 / 15 Noyabr 2026
519
22:43 / 15 Noyabr 2026
1198
22:34 / 15 Noyabr 2026
181
22:24 / 15 Noyabr 2026
150
22:05 / 15 Noyabr 2026
1210
21:57 / 15 Noyabr 2026
614
21:37 / 15 Noyabr 2026
1496
21:07 / 15 Noyabr 2026
1457
20:58 / 15 Noyabr 2026
685
20:55 / 15 Noyabr 2026
269
20:44 / 15 Noyabr 2026
458
20:39 / 15 Noyabr 2026
168
20:30 / 15 Noyabr 2026
196
20:09 / 15 Noyabr 2026
586
19:51 / 15 Noyabr 2026
578
19:37 / 15 Noyabr 2026
177
19:17 / 15 Noyabr 2026
180
19:09 / 15 Noyabr 2026
163
18:40 / 15 Noyabr 2026
180
© 2026 Oxu24.com Müəllif hüquqları qorunur.