Mədə kiçiltmə əməliyyatından sonra çəki nə üçün geri qayıdır? – Həkim açıqladı  

Mədə kiçiltmə (bariatrik) əməliyyatı keçirən bəzi pasiyentlər bir neçə il keçdikdən sonra itirdikləri çəkini təkrar geri toplamaq problemi ilə qarşılaşırlar. Hətta bəzi hallarda pasiyentlər 15-25 kiloqramadək artıq çəki yığırlar. Əməliyyatla mədə həcmi kiçildildiyi halda bu çəkinin hansı səbəblərdən geri qayıtması bir çoxlarını düşündürən əsas suallardandır. Mütəxəssislər bildirirlər ki, bu prosesdə mədənin ölçüsündən daha çox pasiyentlərin əməliyyatdan sonra mənimsədikləri qidalanma və həyat tərzi vərdişləri həlledici rol oynayır. Müəyyən olunmuş 5 ana faktor bu çəki artımının əsas səbəbi kimi göstərilir.

Mövzu ilə bağlı Oxu24.com-a bariatrik metabolik cərrah, PhD, Dr. Fərid Rəfiyev məlumat verib.

Həkim çəkinin geri qayıtmasına təsir edən 5 əsas faktoru belə izah edib:

1.Sulu, şirin içkilər: Şirələr, kolalar, fantalar və digər yüksək kalorili şirin içkilər ən böyük problemlərdən biridir. Bu zaman kalori balanslaşdırılmış şəkildə daxil olmaqla yanaşı, orqanizmə ciddi şəkildə artıq kalori qazandırır. Şirin içkilər mədədə ləngimədən bilavasitə bağırsağa keçdiyi üçün toxluq hissi yaratmır və çəki artımına gətirib çıxarır.

2.Tez-tez atışdırmalar: Gün ərzində 2-3 dəfə nizamlı yemək yemək əvəzinə, pasiyentlər gün boyu fasiləsiz atışdırmalarla vaxt keçirməyə çalışırlar. Bu vərdiş nəticədə orqanizmdə artıq kalorilərin toplanmasına səbəb olur.

3.Aktiv həyat tərzinin olmaması: Oturaq həyat tərzi keçirən və fiziki aktivliyə meylli olmayan pasiyentlərdə kalorilərin balansı pozulur, bu da çəkinin bərpa olunmasını sürətləndirir.

4.Emosional yemələr: Ciddi stres və gərginlik yaşayan pasiyentlər emosional vəziyyətlərini kompensasiya etmək üçün yenə də atışdırmalara və yeməklərə üz tuturlar.

Həkim sonda qeyd edib ki,ən vacib məqamlardan biri də gündəlik qidalanmada zülal azlığıdır. Əməliyyatdan sonra ət, yumurta və digər protein mənbələrinin gündəlik qəbulu mütləq şərt hesab olunur.

Həmçinin oxuyun

Prezidentin vəzifədən azad etdiyi məmurla bağlı yeni qərar verildi

SON DƏQİQƏ AÇIQLAMASI: Avqustun 10-dan sonra başlanılacaq

Yüksək vəzifəyə təyinat alan xanım KİMDİR? — FOTO

Keçid balları ilə bağlı rəsmi AÇIQLAMA