At quyruğu sindromu nədir?  —  Nevroloq xəbərdarlıq edir 

Bir çoxları bunun izahını gözləyir. Bu,xəstəlik nədən əmələ gəlir?Hansı əlamətlər bu xəstəliyin siqnalı ola bilər?

"Cauda equine syndrome"və ya at quyruğu sindromu onurğa beyni kötüklərinin bel fəqərələri səviyyəsində sıxılmasıdır. Bunun nəticəsindən aşağı ətrafların və çanaq orqanlarının innervasiyası pozulmuş olur. Xəstəliyin məhz belə ad alması buradakı sinir kötüyü dəstəsinin at quyruğuna bənzəməsidir.

Səbəbləri müxtəlifdir, lakin 60% hallarda səbəb bel fəqərələrini disk yırtığı olur. Bundan başqa, at quyruğu sindromunu digər adları da var: kürəyin anomaliyaları, anadangəlmə anomaliyalar, onurğa beyni anesteziyası, əməliyyatdan sonra baş verən ağırlaşmalar, onurğa beyni şişləri, infeksion xəstəliklər və s.

Xəstələr adətən, kürək nahiyəsində olan ağrıdan şikayət edirlər, ayaq nahiyəsində hissiyyatın itməsi, əzələ zəifliyi, qəbizlik, sidiyə çətin getmə və sidiyi saxlaya bilməmək, seksual problemlər, bir sözlə normal həyat tərzinə mane olan əlamətlərdən şikayətlənirlər. Kürək nahiyəsinin aşağı hissəsindəki ağrılardan milyonlarla insan əziyyət çəkir və bunun müalicəsi əksər hallarda konservativdir. Lakin ağrı sindromuna yuxarıda göstərilən digər əlamətlər də qoşulursa, bu ciddi bir xəstəlik ola bilər.

At quyruğu sindromunun diaqnostikasında onurğanın rentgen müayinəsi, əsasən isə mieloqrafiya və MRT müayinəsi əsas rol oynayır.

Müalicə: cərrahidir və nə qədər erkən müdaxilə edilsə ağırlaşmalar bir o qədər az olmuş olacaq. Buna görə də ilk əlamətlər özünü göstərməyə başladıqda mütəxəssisə müraciət etmək lazımdır.

Mövzu ilə bağlı Oxu24.com-a danışan nevroloq Röyanə Quluzadə xəstəliklə bağlı vacib tövsiyələr verib.

Nevroloqun  sözlərinə görə,bu xəstəliyin ilkin mərhələsində beldən ayağa vuran ağrılar hiss olunur.

"Pasiyent aralıq nahiyəsində,yəni ayaqların içəri hissəsində keyləşmə hiss edir və ən vacib əlamətlərdən biri pasiyent sidik saxlaya bilmir.Bu,bir çox hallarda fəqərəarası disklərin çox böyük ölçüıü yırtıqlarının gecikmiş mərhələsində yaranan fəsaddır.Onu da qeyd etmək istəyirəm ki,bu pasiyentlərin 20%-də çox ciddi bir fəsad qalır.Yəni,bu pasiyentlərin sidik saxlamama və keyləşmə kimi əlamətlərini tamamı ilə müalicə etmək mümkün olmur.Ona görə əgər ayağınıza vuran ağrı,ayaqda keyləşmə,hissiyatın itməsi və güc itməsi kimi əlamətlər başlayıbsa,dərhal nevroloqa müraciət etmək,səbəbi araşdırmaq və bu problemlərin ağırlaşmamasının qarşısını almaq lazımdır",-deyə nevroloq Röyanə Quluzadə bildirib.

Hazırladı: Nigarxanım

Həmçinin oxuyun

Saxta profil açmaq hansı hallarda cinayət məsuliyyəti yaradır? – Vəkildən  açıqlama  

İşini itirən şəxslərin kredit borcu necə tənzimlənir? – ABA ekspertindən  AÇIQLAMA  

Bakıdan Tiflisə qatarla getmək istəyənləri düşündürən bütün suallara RƏSMİ CAVAB

Bakı-Tbilisi qatarının qiyməti açıqlandı - Rəsmi