Xalların bu xüsusiyyəti xərçəngdən xəbər verirmiş – Onkoloqdan mühüm  AÇIQLAMA   

Bu gün  bəşəriyyətin üzləşdiyi  bəlalardan biri də xərçəng xəstəliyidir.

Dünyada olduğu kimi Azərbaycanda da bu xəstəliklə mübarizə aparılmaqdadır.Tibb sahəsində çalışan şəxslərin mübarizəsi davam etsə də,bəzən cəmiyyətin maariflənməsinə də ehtiyac qalır.

Oxu24.com saytı əhalini maarifləndirmək və xəstəliklərin qarşısının daha erkən alınmasında iştirak etmək məqsədi ilə yeni  “Tibbi maarifləndirmə” layihəsinə start verir.

Bu dəfə danışacağımız mövzu xərçəng xəstəliyinin ilkin simptomları ilə bağlıdır. Bu barədə Oxu24.com-un suallarını  Milli Onkologiya Mərkəzinin  həkimi,onkoloq  Nurlana Əliyeva cavablandırıb.

Onkoloq  Nurlana Əliyevanın sözlərinə görə,xərçəngə tutulmuş orqanizm özündə müəyyən dəyişiklikləri biruzə verir. Orqanizmdə baş vermiş dəyişikliyi adi gözlə də görmək mümkün olur.Həmçinin xərçəngə tutulmuş insan özündə müəyyən halların baş verdiyini hiss edə bilir.

Bunlar aşağıdakılardır:Daimi halsızlıq,yorğunluq,çəki itirmək,bədən hərarətinin dəyişməsi,yuxusuzluq,ishal,qəbizlik,öskürək olması,bəlğəmin olması və bəlğəmdə qoxunun  olması,dərinin rənginin dəyişməsi,yəni saralması,avazıması,düz bağırsaqdan,ginekoloji üzvlərdən qanaxma əlamətlərinin olması,bədənin hər hansı bir nahiyəsində əllənən törəmənin olması, yaxud da şişkinliyin olması,xalların olması və ölçüsünün və rənginin dəyişməsi.Xərçəngə tutulmuş orqanizmdə olan xallar Günəş şüaları ilə təmasda rəngini dəyişir,tündləşir.Yaxud da,Günəş şüaları olmasa belə ölçüdə və rənglərdə dəyişiklik müşahidə olunur.Bu da orqanizm üçün bir siqnaldır.

Bunlar onkoloji xəstəliklərin ilkin əlamətləri  ola bilər. Sadalanan bu hallardan hər hansı biri ilə rastlaşan şəxslərin həkim-onkoloqa müraciət etməsi və müayinələrdən keçməsi tövsiyə olunur.Çünki,bütün xəstəliklərdə olduğu kimi burada da erkən və düzgün dioqnoz uğurlu müalicənin əsasını təşkil edir.  

Mövzunun davamı olacaq.

Həkimlə əlaqə:050 226 44 62

İnstagram hesabı:  dr.nurlanaaliyeva

Hazırladı: Miri Məcidli

Həmçinin oxuyun

Onlara yüksək vəzifə verildi - ADLAR

Məleykə Əsədovaya ağır itki - FOTOLAR 

 Şahin Bağırov ƏMR İMZALAYIB

XƏBƏRDARLIQ! Qar yağacaq,sel gözlənilir  - Bu tarixdə