ARB TV-də yayımlanan “Ona qalsa” səhər şousunda qalmaqallı anlar yaşanıb.

Oxu24.com  xəbər verir ki, proqramda qonaq olan Əməkdar artistlər Baloğlan Əşrəfov və Nüşabə Ələsgərli üz-üzə gəliblər.

Verilişin gedişatında B.Əşrəfovdan “Ana” muğamı oxuması istənilib. Bu zaman N.Ələsgərli verilişin aparıcısı şairə Nazilə Səfərliyə etirazını bildirib.

Əməkdar artist “Səhər tezdən “Ana” muğamı vermisiniz, mənim də yaralı yerimdir, ağlamaq da istəmirəm. Mənim əhvalım korlanır, gedim mətbəxdə plovumu yeyim” deyərək studiyanı tərk etmək istəyib.

Bu zaman isə Nazilə Nüşabəyə yaxınlaşaraq “Tamaşaçılar muğam dinləmək istəyir, belə şey olar!? Gəlin, əyləşin” deyərək, sənətçinin proqramdan getməsinin qarşısını alıb.

Daha sonra Baloğlan Əşrəfovun ifasında “Ana” muğamı səslənib.