Aybəniz Haşımova bacısını belə təbrik etdi  

Müğənni Aybəniz Haşımova bacısı Şahnaz Haşımovanı doğum günü münasibəti ilə təbrik edib.

Oxu24.com xəbər verir ki,bu barədə müğənni sosial şəbəkə hesablarında paylaşım edib.

O,bacısı ilə paylaşdığı fotoya bu sözləri yazıb:

"Nəğmə dİli ilə,danışan səs"

“Rəssam səslər doğulur bəzən dünyaya…

Bəli, dünyaya çox səslər gəlir. Amma nəğmə dili ilə danışan səslər çox az doğulur. O səslər ki, insanın ruhuna toxunur, taleyinə çevrilir, ömrü boyu ürəyində yaşayır… Və xoş o insanların halına ki, o səslərlə qarşılaşırlar. Mənim kimi…

Mən dünyaya gələndə, hələ gözümü həyata açmamışdan öncə tale məni bir səsin qucağına verdi. Evdə dünyaya gəldiyim üçün məni ilk dəfə anamın deyil, nəğmə dili ilə danışan bir bülbül səsinin nəfəsi qarşıladı. O səsin adı ŞahNaz idi… O, mənim musiqi ilə ilk tanışlığım, Azərbaycan muğamını ilk duyduğum nəfəs, ana dilimin musiqi ahəngi idi. Mən Azərbaycan musiqisini onun səsi ilə sevdim. Muğamın nə olduğunu onun avazında anladım. Hətta sözlərin özünü belə onun oxuduğu nəğmələrin içində öyrəndim.Buna baxmayaraq ki,sonralar ifacı olmagımın qəti əlehinə idi...

Bir gün fortepianoda ifamı görəndə cox bəyənib, əlimdən tutub məni Gəncədə İnşaatçılar adına Mədəniyyət Sarayına apardı və fortepiano sinfinə yazdırdı.

Sonra o səs məni ömrüm boyu müşayiət etdi…

Heç vaxt unutmaram…

Gəncədə, Ulu Öndər Heydər Əliyevin qarşısında Fikrət müəllim Verdiyev mənə “Sarı bülbül” mahnısını oxumağı tapşıranda,mahnını, mahnının içində oxuduğum o Segah bəndini mənə ilk dəfə öyrədən Şahnaz xanım olmuşdu.

Şahnaz xanımın Səsi...

O səs mənim uşaqlığımdır.

O səs mənim ata ocağımın nəfəsidir.

O səs mənim anamın laylasıdır.

O səs mənim atamın nəfəsidir.

O səs mənim qanımı daşıyanların Səsidir.

Şahnaz xanımın SƏSİ,Azərbaycanın Gəncəmin Səsidir!

Dünyaya Gəlişin mübarək ay Anamın nəgməkar QIZI

Hörmətlə:Atan Həsənin qızı: Aybəniz

Qeyd edək ki,Şahnaz Haşımovanın 69 yaşı tamam olub.

Hazırladı: Nigar

Посмотреть эту публикацию в Instagram

Публикация от oxu24.az (@oxu24.az)

Həmçinin oxuyun

SON DƏQİQƏ! TƏBİB-də yüksək vəzifəyə təyinat oldu

Yeni qərar:Şahin Mustafayev  sədr OLDU

Bu şəxslər metro və avtobuslarda pulsuz gedə bilər – Gözlənilən qərar 

Qarabağa köçənlərə böyük MÜJDƏ: Güzəştlər,yeni evlər və daha nələr... — GENİŞ ŞƏRH