Mərkəzi Bankın qərarı kredit faizlərinə necə təsir göstərəcək?
10 Noyabr 2026, 20:56
Qaynar xətt:
(+99450) 247 90 86
CƏMİYYƏT
74
10.11.2026, 20:54
Kreditlər üzrə 90 gündən çox gecikdirilmiş borclar hesablanarkən son 12 ayda bankın balansından silinmiş kreditlər nəzərə alınacaq.
Oxu24.com -un məlumata görə, bununla bağlı Mərkəzi Bankın sədri Taleh Kazımovun sentyabrın 15-də imzaladığı müvafiq qərar noyabrın 10-da qüvvəyə minib.
Mövcud qanunvericiliyə əsasən, "Banklarda kredit risklərinin idarə edilməsi Qaydası"na uyğun olaraq müəyyən edilmiş davranış modeli əsasında verilmiş bütün kredit tələblərinin məcmu miqdarı əvvəlki hesabat ayının sonuna bankın kredit portfelinin 10 faizindən artıq olmamalıdır.
Yeni qərara əsasən, model əsasında verilmiş və 90 gündən çox gecikdirilmiş kreditlərin qalıq məbləği (model əsasında verilmiş və son 12 ayda balansdan silinmiş kreditlər daxil olmaqla) həmin kredit portfelinin 10 faizinə çatdıqda model əsasında kreditlərin verilməsi dayandırılacaq.
Hesablama hər kredit növü (istehlak, biznes və s.) üzrə ayrılıqda aparılır.
Sadə dillə desək, davranış modeli əsasında verilən kreditlər üzrə 90 gündən çox gecikdirilmiş borclar hesablanarkən son 12 ayda bankın balansından silinmiş kreditlər də nəzərə alınacaq.
Başqa sözlə, bank davranış modeli əsasında verdiyi kreditlər üzrə 90 gündən çox gecikməsi olan borcların qalıq məbləği kredit portfelinin 10 faizinə çatdıqda həmin model əsasında yeni kreditlərin verilməsini dayandırmalıdır. Bu hesablamaya artıq bankın balansından silinmiş, lakin son 12 ay ərzində silinmiş belə kreditlər də daxil ediləcək.
Dəyişikliyin mahiyyəti ondan ibarətdir ki, banklar problemli kreditləri balansdan silməklə həmin kreditlərin müəyyən edilmiş 10 faizlik həddin hesablanmasından kənarda qalmasına nail ola bilməyəcəklər. Beləliklə, davranış modeli əsasında kreditləşmə zamanı gecikmiş borcların həcmi daha əhatəli şəkildə nəzərə alınacaq.
Trend
20:56 / 10 Noyabr 2026
20
20:46 / 10 Noyabr 2026
65
20:35 / 10 Noyabr 2026
83
20:17 / 10 Noyabr 2026
79
20:10 / 10 Noyabr 2026
827
19:59 / 10 Noyabr 2026
86
19:58 / 10 Noyabr 2026
86
19:52 / 10 Noyabr 2026
90
19:52 / 10 Noyabr 2026
85
19:43 / 10 Noyabr 2026
93
19:40 / 10 Noyabr 2026
118
19:26 / 10 Noyabr 2026
103
19:20 / 10 Noyabr 2026
609
19:06 / 10 Noyabr 2026
130
18:58 / 10 Noyabr 2026
776
18:56 / 10 Noyabr 2026
113
18:39 / 10 Noyabr 2026
226
18:26 / 10 Noyabr 2026
535
18:25 / 10 Noyabr 2026
162
18:19 / 10 Noyabr 2026
186
18:17 / 10 Noyabr 2026
139
18:04 / 10 Noyabr 2026
229
18:02 / 10 Noyabr 2026
1541
© 2026 Oxu24.com Müəllif hüquqları qorunur.