Fransa Prezidenti Emmanuel Makron, Almaniya kansleri Olaf Şolts və Rusiya Prezidenti Vladimir Putin arasında danışıqlar çox səmimi və çətin olub.

Oxu24.com-un məlumatına görə, bu barədə BFMTV telekanalı Yelisey Sarayına istinadən xəbər verib.

Qeyd olunur ki, Rusiya tərəfinin Ukrayna hərbçiləri tərəfindən humanitar hüququ kobud pozması ilə bağlı dedikləri reallığa uyğun gəlmir.

Telekanalın məlumatına görə, Makron və Şolts yenidən Putini hazırkı vəziyyətin humanizm nöqteyi-nəzərindən dözülməz olduğu Mariupolda atəşi dərhal dayandırmağa və mühasirəni dayandırmağa çağırıblar.

Həmçinin Fransa Rusiya Federasiyasının hərbi əməliyyatı dayandırmaq üçün heç bir istək nümayiş etdirmədiyi üçün Avropa İttifaqının yaxın bir neçə saat ərzində bu ölkəyə qarşı əlavə sanksiyalar tətbiq edəcəyini açıqlayıb.

Qeyd edək ki, Putin Makron və Şoltsla Rusiyanın Ukraynaya qarşı tələblərinin həyata keçirilməsi üçün hazırlanan razılaşmalarla bağlı məsələləri müzakirə edib.

Rusiya Ukraynaya qarşı müharibəni fevralın 24-də başlayıb. Hərbi əməliyyatlar zamanı hər iki tərəfdən xeyli insan həlak olub.

Müharibə Ukraynanın infrastrukturuna külli miqdarda ziyan vurub, ölkənin minlərlə dinc sakini həlak olub və ya yaralanıb.

Eyni zamanda yüz minlərlə mülki şəxs ölkəni tərk etmək məcburiyyəti ilə üzləşib.

“Bu ölkə tezliklə məhv olacaq” — Vanqanın yeni öncəgörməsi üzə çıxdı, Rusiya...