Tovuzdan acı xəbər: Ölən və yaralılar var

Tovuzda ölümlə nəticələnən ağır yol-nəqliyyat hadisəsi baş verib. APA-nın yerli bürosunun məlumatına görə, hadisə rayonun Əlimərdanlı kəndində qeydə alınıb. 1965-ci il təvəllüdlü Alıyev Aliq Qəmbər oğlu idarə etdiyi daşla dolu “KamAZ” markalı yük maşınını aşırıb. Nəticədə rayonun Aşağı Mülkülü kənd sakini, 1982-ci il təvəllüdlü Əsgərov Elburus Cəmil oğlu hadisə yerində ölüb. Aşağı Mülkülü kənd sakinləri - sürücü,1989-cu il təvəllüdlü Əmrahov Amil Nazimoğlu,1991-ci il təvəllüdlü Əmrahov Emil Nazimoğlu və daha 2 nəfər isə xəsarət alıb. Onlardan birinin xəsarəti yüngül olduğundan hadisə yerində müayinə olunaraq evə buraxılıb. Digər yaralılar xəstəxanaya yerləşdirilib. Qeyd edək ki, yaralılar deformasiyaya uğramış avtomobildən FHN-in xilasediciləri tərəfindən çıxarılıb. Hadisənin başvermə səbəbləri araşdırılır.