ABŞ-ın Bağdaddakı səfirliyi yaxınlığına və İraqın Səlahəddin vilayətində ABŞ əsgərlərinin qaldığı Bələd Hərbi Bazasına raket hücumu olub. Oxu24.com xəbər verir ki, İran İnqilab Keşikçiləri Korpusunun komandanı general Qulaməli Əbuhəmzə hücum koordinatları verib. O, İranın əli çatan hər yerdə amerikalıları cəzalandıracağını söyləyib. Həmçinin Körfəzdəki hədəflərə mümkün hücum ola biləcəyini deyən SEPAH komandanı Hörmüz boğazının qərb üçün böyük əhəmiyyət daşıdığını bildirib: "Çox sayda ABŞ ticarət və döyüş gəmisi ordan keçir. Bölgədəki önəmli Amerika hədəfləri uzun müddətdir İran tərəfindən müəyyən edilib. 35 hədəf, həmçinin Təl Əviv atış mənzilimiz daxilindədir". Qeyd edək ki, digər tərəfdən İranın Cəmkəran məscidində ölkə tarixində ilk dəfə müharibə rəmzi hesab edilən qırmızı bayraq qaldırılıb. İran sözügedən məscidin on ikinci imam Mehdinin göstərişi ilə tikildiyini iddia edir. Oxu24.com