İran ordusu general Qasım Süleymanin öldürülməsindən sonra İraq sərhədində yerləşən aviabazaya xeyli sayda hərbi təyyarə göndərib. 

Redaktor.az xəbər verir ki, İranın dövlət televiziyası F-14 qırıcılarının ölkənin qərbində uçuşlar həyata keçirdiyi haqda xəbər yayıb.

Qeyd edək ki, yanvarın 3-də İran İslam İnqilabı Keşikçiləri Korpusunun (SEPAH) “Əl Qüds” xüsusi təyinatlı qüvvələrin komandanı, general Qasım Süleymani ABŞ-ın hücumu nəticəsində öldürülüb. 

ABŞ hərbi qüvvələrinə məxsus pilotsuz uçuş aparatları Bağdad hava limanı yaxınlığında generalın avtomobil karvanına raket zərbələri endirib.