Rusiyadan dünyaya BÖYÜK TƏHLÜKƏ: qədim viruslar "dirilə" bilər

SİYASƏT

458

10.11.2023, 22:37

Rusiyanın şimalındakı daimi donuşluq (permafrost), minilliklər boyu basdırılmış qədim patogenlər qlobal temperatur yüksəldikcə yenidən oyana bilər.

OXU24.COM bildirir ki, bu barədə alimlər xəbərdarlıq ediblər. Onlar qeyd ediblər ki, bu, bəşəriyyəti potensial olaraq yeni xəstəliklər riski qarşısında qoyur. Virusoloq və Eks-Marsel Universitetinin Tibb fakültəsinin fəxri professoru Jan-Mişel Klaveri deyib ki, o, Sibir permafrostunda "zombi virusları" öyrənir və xəbərdarlıq edir ki, onlar Rusiyanın donmuş torpağında çox böyük sayda və müxtəliflikdə ola bilər:

"Biz yalnız amöb viruslarını canlandırmağa çalışdıq, çünki onlar heyvanlar, insanlar və ya bitkilər üçün heç bir təhlükə yaratmır",-deyə Klaveri bildirib. Torpaq nümunəsindən bütün DNT-ni ardıcıllıqla tərtib etdikdə, çiçək xəstəliyi və Afrika donuz taunu kimi heyvan və ya insan xəstəlikləri ilə əlaqəli olanlar da daxil olmaqla, bir çox müxtəlif növ virusları müəyyən edə bilərik".

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Texnogen iqlim dəyişikliyi bütün planetə təsir etsə də, Arktika orta dünya səviyyəsindən üç dəfə daha sürətlə istiləşir və bu, Rusiyanın demək olar ki, üçdə ikisini əhatə edən permafrostla bağlı narahatlıqları artırır.

Gözlənilir ki, gələcək istixana qazları tullantılarından asılı olaraq, Rusiyada daimi donuşluq sahəsi 2050-ci ilə qədər təxminən 25% və əsrin sonuna qədər 40-72% azalacaq. Bu həyəcan verici proqnozlara baxmayaraq, Rusiyada "zombi virusları" problemi geniş müzakirə olunmur. Bu səbəbdən risklər lazımi səviyyədə qiymətləndirilməyə bilər.

Rusiya Elmlər Akademiyasının İqtisadi Proqnozlaşdırma İnstitutunun professoru və baş elmi işçisi Boris Reviçi deyir ki, permafrost ərazilərində neft və qaz obyektlərində işləyən insanlar üçün də potensial problemlər yarana bilər: "Lakin onların hamısı ümid edirəm, potensial təhlükələrlə təmasda olmayan yaşayış məntəqələrində yaşayırlar".