\"Yeva Braun\"u \"fürer\"lə qovuşdurun...

Putinin sevgilisi İsveçrədən deportasiya oluna bilər...
 

Rusiya prezidenti Vladimir Putinin sevgilisi, Olimpiya çempionu Alina Kabayeva dörd övladı ilə İsveçrədə yaşayır. Lakin Rusiya rəhbərinin Ukraynada törətdiyi qanlı cinayətlərindən sonra onu deportasiya etmək istəyirlər.
 
Alina İsveçrədə neçə peyda olub
 
Kabayevanın Putindən dörd övladı var, lakin bu, heç vaxt rəsmi olaraq təsdiq edilməyib. Rusiya prezidenti öz sevgilisinin  təhlükəsizliyinin qayğısına qalaraq onu İsveçrədə gizlətmək qərarına gəlib, amma bu ölkəni lazımınca dəyərləndirə bilməyib.
İsveçrə neytrallığını saxlamaması və Rusiyaya sərt münasibətilə beynəlxalq birliyi şoka salıb.
 
İsveçrənin Federal Şurası fevralın 28- də bəyan edib ki, Rusiyanın bir sıra fiziki şəxsləri və şirkətlərinin aktivlərini dondurub. Lakin o zaman İsveçrə pasportu olan Alina Kabayeva haqqında söhbət getmirdi.
 
Kabayeva deportasiya oluna bilər
 
İndi isə İsveçrə fəalları "change.org" saytında müvafiq petisiya üçün imzalar toplayıb və Alina Kabayevanı ölkədən deportasiya etməyi tələb ediblər.
 
"Hörmətli İsveçrə Konfederasiyası, nəyə görə siz Putin rejiminə bağlı olanların ölkədə olmasına imkan verirsiniz? Xahiş edirik "Yeva Braun"- Alina Kabayevanı "fürer"- Vladimir Putinlə qovuşdurun", - tez- tez Ukrayna, Rusiya və Belarus vətəndaşları tərəfindən imzalanan müraciətdə belə deyilir.

 
Petisiya müəllifləri bəyan edib ki, Alina Kabayeva diktatorun sevimlisidir və onunla birlikdə bunkerdə olmalıdır. Vaxtilə Adolf Hitlerlə birgə onun bunkerində olduğu və 1945- ci ildə intihar etdiyi Yeva Braun kimi.
Əgər xanım Kabayeva Ukraynadakı müharibəni dəstəkləyirsə, o, dərhal İsveçrədən deportasiya edilməlidir.
 
Xatırladaq ki, Alina Kabayeva Dövlət Dumasının deputatı olub, 2014- cü ildən "Milli Media Qrupu" holdinqinin direktorlar şurasının sədri vəzifəsindədir, 2016- cı ildən "İdman- Ekspess" QSC- nin direktorlar şurasına rəhbərlik edir. Lakin bəlli səbəblərdən, demək olar ki, ictimaiyyət qarşısına çıxmır.
 
Alina Kabayeva Rusiyaya qarşı bugünkü münasibəti  dünya idman tarixində ən rüsvayçı səhifə adlandırıb,  Rusiya idmançılarına qarşı sanksiyaları qətiyyətlə pisləyib.
 
Kabayeva bəyan edib ki, Rusiya bu sanksiyalar qarşısında tab gətirəcək.
 
Lakin sıravi rusiyalllar onunla razılaşmır, bu sanksiyaların Rusiya iqtisadiyyatına təsirini artıq hamı hiss etməyə başlayıb. Bu, geriyədönməz prosesdir. 
 
Alina Kabayeva bir azdan öz "füreri" ilə onun Altaydakı bunkerində peyda olsa, təəccüblənməyin...