MDB Ölkələri İnstitutunun Qafqaz şöbəsinin müdiri, açıq şəkildə ermənipərəst mövqeyi ilə tanınan hərbi ekspert Vladimir Yevseyevin Ermənistanı Bakını İskəndər raketi ilə vurmağa çağırması haqlı olaraq ölkəmizdə ciddi narazılıq yaradıb.

Oxu24.com xatırladır ki, yalançı ekspert münaqişənin uzanacağı təqdirdə Ermənistanın Azərbaycanın  neft və qaz infrastrukturuna qarşı İskəndər əməliyyat-taktiki raket sistemindən istifadə etmək hüququna sahib olduğunu söyləmişdi.

Azərbaycanlı jurnalist Fuad Abbasov tədbirlərin birində onunla rastlaşıb və ona belə bir açıqlama ilə niyə çıxış etdiyini soruşub. Yevseyev sözlərini dərhal təkzib etməyə başlayıb. Jurnalist ona video-çıxışını olduğunu sübut kimi təqdim etdikdə, Yevseyev sadəcə qaçmağa qərar verib və yaramaz Konstantin Zatulinin ofisində gizlənib.Həmin videonu təqdim edirik: