ABŞ Yaxın Şərqdə niyə tək qalıb? - ŞƏRH 

“Yaxın Şərqdəki müharibənin ağırlıq mərkəzi artıq Hörmüz boğazı ətrafında yaranmış situasiyanın üzərinə yönəlir. Çünki Hörmüz boğazı dünya iqtisadiyyatı üçün olduqca önəmli, vazkeçilməz bir faktordur. Dünya bazarlarına çıxarılan neft məhsullarının beşdə biri bu boğaz üzərindən daşınır. Ona görə də hazırda Hörmüz boğazından təhlükəsiz istifadənin təmin olunması məsələsi artıq yalnız hansısa dövlətlərin deyil, bütövlükdə dünya iqtisadiyyatının gələcəyini müəyyən edə biləcək məsələdir”.

Oxu24.com-un Redaktor.az-a açıqlamasında politoloq Elçin Xalidbəyli bildirdi.

Müsahibimiz vurğuladı ki, ABŞ-yə dünya dövlətləri tərəfindən bir çox müraciətlər olunub ki, Hörmüz boğazında təhlükəsizlik təmin olunsun:

“Amma ABŞ təkbaşına buna nail ola bilmir. Ona görə də Donald Tramp administrasiyası NATO üzrə müttəfiqlərinə müraciət edib. Ancaq NATO üzrə müttəfiqlər də Tramp administrasiyasının bu müraciətlərinə müsbət cavab verməkdən yayınırlar. Çünki Hörmüz boğazında situasiya olduqca təhlükəlidir və heç bir dövlət, o cümlədən NATO üzvü olan ölkələr bu məsələyə qarışmaq istəmir”.

Elçin Xalidbəylinin fikrincə, Hörmüz boğazındakı situasiyaya müdaxilə NATO üzvü olan dövlətləri sonradan Yaxın Şərqdəki savaşın iştirakçısına çevirə bilər:

“Ona görə də dövlətlər ehtiyat edirlər və Yaxın Şərqdəki savaşın iştirakçısı olmaq istəmədiklərinə görə Tramp administrasiyasının müraciətlərinə mənfi cavab verirlər. Bu da onu göstərir ki, situasiyanın daha da gərginləşmə ehtimalı tamamilə realdır. Hələlik anlaşılan ondan ibarətdir ki, NATO üzrə müttəfiqlər ABŞ-ni Yaxın Şərqdəki savaşa münasibətdə demək olar ki, tək buraxıblar. ABŞ faktiki olaraq Yaxın Şərqdə savaş bataqlığına düşüb və indi bu situasiyadan da məhz təkbaşına çıxmaq məcburiyyətindədir”.

Həmçinin oxuyun

Yeni sədr təyin olundu -DOSYE

18 iyulla bağlı XƏBƏRDARLIQ

SON DƏQİQƏ!Əmr imzalandı:Tanınmış şəxs işdən getdi

Zaur Baxşəliyev efirə qayıdır?