Nazirlərimiz haqqında MARAQLI FAKTLAR: Yaş,doğum yeri,staj...

Nazirlər Kabinetində  yaş dinamikası -ARAŞDIRMA

Nazirliklər ölkənin əsas sütunları hesab olunur.Dövlətin idarə olunması məhz bu qurumlar vasitəsi ilə həyata keçirilir.Ölkə rəhbərinin son illər bu sahədə islahatları danılmazdır.Yeni və müasir təhsilli nazirlərimiz cəmiyyət tərəfindən də maraqla qarşılanır.Azərbaycan Nazirlər Kabinetinin üzvləri arasında yaş bölgüsü diqqət çəkir. Hökumətin tərkibində həm uzunillik idarəçilik təcrübəsinə malik olan, həm də nisbətən gənc nəsli təmsil edən nazirlər fəaliyyət göstərir. Son məlumatlara əsasən, bəzi nazirliklərə daha gənc kadrların gətirilməsi ümumi dinamikanı dəyişdirsə də, kabinetdə 40–50 yaş aralığı üstünlük təşkil edir. Nazirlərin yaş göstəriciləri onların siyasi təcrübəsi, idarəçilik üslubu və islahatlara yanaşmalarında da müəyyən fərqlər yaradır.

Oxu24.com   hazırkı nazirlərin yaşı və ümumi mənzərə ilə bağlı diqqətçəkən məqamları təqdim edir:

Azərbaycan Respublikasının 10-cu Baş naziri, Azərbaycan Respublikası Prezidentinin İqtisadi məsələlər üzrə köməkçisi Əli Hidayət oğlu Əsədov 1956-cı noyabrın 30-da Bakı şəhərində anadan olub. Hazırda 68 yaşı var. Azərbaycan Respublikasının Prezidentinin Sərəncamı ilə 2024-cü il fevralın 16-da Baş Nazir təyin edilib. 

Azərbaycan Respublikasının Daxili İşlər Naziri Vilayət Süleyman oğlu Eyvazov 1968-ci ildə iyunun 28-də Culfa rayonunda anadan olub. Hazırda 57 yaşı var. 20 iyun 2019-cu ildən daxili işlər naziri  təyin edilib. Rütbəsi General-Polkovnikdir.

Azərbaycan Respublikasının elm və təhsil naziri Emin Eldar oğlu Əmrullayev 1982-ci il dekabrın 30-da Bakı şəhərində anadan olub. Hazırda 43 yaşı var. 27 iyul 2020-ci ildən vəzifəyə təyin edilib. 

Azərbaycan Respublikası Dövlət Sərhəd Xidmətinin rəisi Elçin İsağa oğlu Quliyev 1967-ci ildə sentyabrın 22-də Sumqayıt şəhərində anadan olub. Hazırda 58 yaşı var. Rütbəsi General-Polkovnikdir. 

Azərbaycan Respublikasının fövqəladə hallar naziri Kəmaləddin Fəttah oğlu Heydərov 1961-ci ildə iyulun 15-də Naxçıvanda anadan olub. Hazırda 64 yaşı var. Həmçinin, bəstəkardır. Əsərlərini  "Kamal" təxəllüsü ilə yazır.

 Azərbaycan Respublikasının ədliyyə naziri Fərid Turab oğlu Əhmədov 1979–cu ildə iyulun 14-də Bakı şəhərində anadan olub. Hazırda 46 yaşı var. Eyni zamanda hüquq elmləri üzrə fəlsəfə doktorudur. 2024-cü il fevralın 27-dən Ədliyyə naziri vəzifəsinə təyin edilib. 

 Azərbaycan Respublikasının xarici işlər naziri Ceyhun Əziz oğlu Bayramov 1973-cü ildə iyunun 25-də Bakı şəhərində anadan olub. Hazırda 52 yaşı var. 2020-ci il 16 iyun tarixindən xarici işlər naziri vəzifəsinə təyin edilib. 

 Azərbaycan Respublikasının əmək və əhalinin sosial müdafiəsi naziri Anar Rəhim oğlu Əliyev 1980-ci ildə avqustun 24-də Bakı şəhərində anadan olub. Hazırda 45 yaşı var. 2025-ci il 7 fevral tarixindən vəzifəyə təyin edilib. 

Həmçinin oxuyun

Vəsiyyəti ilə Fəxri Xiyabanda yox,həyat yoldaşının yanında dəfn olunan ALİM  - HƏYAT HEKAYƏSİ

Rafael Ağayevlə bağlı xoşagəlməz xəbər yayıldı 

SON DƏQİQƏ! Milli Məclis bu qərarda dəyişiklik edir:Tarix dəyişir...

Oqtay Əsədovun qızının ölüm səbəbi məlum oldu 

Azərbaycan Respublikasının kənd təsərrüfatı naziri Məcnun Qadir oğlu Məmmədov 1983-cü ildə sentyabrın 15-də Zəngilan rayonunda anadan olub. Hazırda 42 yaşı var. 14 aprel 2023-cü ildən vəzifəyə təyin edilib. 

Azərbaycan Respublikasının müdafiə naziri Zakir Əsgər oğlu Həsənov 1959-cu ildə iyunun 6-da Astara rayonunda anadan olub. 66 yaşı var. 1980-ci ildən xidmətdədir. 

Azərbaycan Respublikasının iqtisadiyyat naziri  Mikayıl Çingiz oğlu Cabbarov 1976-cı ildə sentyabrın 19-da Bakı şəhərində anadan olub. Hazırda 49 yaşı var. 

 Azərbaycan Respublikasının mədəniyyət naziri Adil Qabil oğlu Kərimli 1979-cu ildə 22 oktyabrda Bakı şəhərində anadan olub. Hazırda 46 yaşı var. Hüquq elmləri üzrə fəlsəfə doktorudur. 

 Azərbaycan Respublikasının səhiyyə naziri Teymur Yusif oğlu Musayev 1970-ci ildə sentyabrın 16-da Bakı şəhərində anadan olub. Hazırda 55 yaşı var. Həmçinin Elmlər namizədidir. 

 Rəqəmsal inkişaf və nəqliyyat naziri   Rəşad Nəbi oğlu Nəbiyev  1977-ci ildə Sumqayıt şəhərində anadan olub.Hazırda  48 yaşı var. 2021-ci ildə  Azərbaycan Respublikası Prezidentinin Sərəncamı ilə Azərbaycan Respublikasının rəqəmsal inkişaf və nəqliyyat naziri təyin edilib.

.Azərbaycan Respublikasının Energetika naziri   Pərviz Oqtay oğlu Şahbazov  1969-cu il noyabrın 24-də Bakı şəhərində anadan olub. 12 oktyabr 2017-ci ildə Azərbaycan Respublikasının Energetika naziri təyin edilib.Azərbaycan, rus, ingilis və alman dillərində sərbəst danışır.

Azərbaycan Respublikasının müdafiə sənayesi naziri Vüqar Valeh oğlu Mustafayev   1986-cı ildə Bakı şəhərində anadan olub.Azərbaycan Respublikası Prezidentinin 15 mart 2023-cü il tarixli Sərəncamı ilə Azərbaycan Respublikası müdafiə sənayesi nazirinin müavini vəzifəsinə təyin olunub.

Azərbaycan Respublikası Prezidentinin 18 noyabr 2023-cü il tarixli Sərəncamı ilə Azərbaycan Respublikası müdafiə sənayesi naziri vəzifəsinə təyin olunub.

İdman naziri   Fərid Fazil oğlu Qayıbov 1979-cu ilin aprelin 24-də Bakıda anadan olub. 1995-сi ildə Bakı şəhəri 1 saylı orta məktəbini bitirib.  

Prezident İlham Əliyevin 2021-ci il  7 sentyabrda imzaladığı sərəncamla Fərid Fazil oğlu Qayıbov Gənclər və İdman naziri təyin edilib. 2013-cü ildən Milli Olimpiya Komitəsinin (MOK) üzvüdür.

Azərbaycan Respublikasının maliyyə naziri – Sahil Rafiq oğlu Babayev   1980-ci ildə anadan olub. 2000-ci ildə Bakı Dövlət Universitetində "Beynəlxalq hüquq və beynəlxalq münasibətlər" sahəsi üzrə bakalavr, 2002-ci ildə isə magistr dərəcəsi alıb. Hüquq üzrə fəlsəfə doktorudur. 2025-ci ilin fevralından bu vəzifəni tutur.

Araşdırmamız göstərir ki, nazirlərin yaş göstəriciləri yalnız statistik rəqəm deyil, həm də dövlət idarəçiliyində müxtəlif düşüncə tərzlərinin formalaşmasına təsir edən mühüm amildir.

Çimnaz Telmanqızı