Prezident fərman imzaladı 

Prezident İlham Əliyev “Azərbaycan Respublikasının Vergi Məcəlləsində və “Gömrük tarifi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2025-ci il 24 oktyabr tarixli 277-VIIQD nömrəli Qanununun tətbiqi və “Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə” Azərbaycan Respublikası Prezidentinin 2000-ci il 30 avqust tarixli 393 nömrəli Fərmanında dəyişiklik edilməsi haqqında fərman imzalayıb.

Oxu24.com   fərmanın mətnini təqdim edir:

1. Müəyyən edilsin ki:

1.1. Azərbaycan Respublikası Vergi Məcəlləsinin 106.1.13-2-ci (hər iki halda), 199.7-1-ci (hər iki halda) və 207.3-1-ci (hər iki halda) maddələrində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;

1.2. həmin Məcəllənin 106.1.13-2-ci (hər iki halda), 199.7-1-ci (hər iki halda) və 207.3-1-ci (hər iki halda) maddələrində “orqan (qurum)” dedikdə Azərbaycan Respublikasının Prezidenti nəzərdə tutulur;

1.3. həmin Məcəllənin 106.1.13-2-ci, 199.7-1-ci və 207.3-1-ci maddələrində “sənaye parkı” dedikdə Qaradağ Sənaye Parkı, “sənaye parkının rezidenti” dedikdə isə gəmiqayırma fəaliyyəti ilə məşğul olan Qaradağ Sənaye Parkının rezidenti nəzərdə tutulur.

2. Azərbaycan Respublikasının Nazirlər Kabineti “Azərbaycan Respublikasının Vergi Məcəlləsində və “Gömrük tarifi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2025-ci il 24 oktyabr tarixli 277-VIIQD nömrəli Qanunundan irəli gələn məsələləri həll etsin.

Həmçinin oxuyun

Efir mühəndisi Səidə Bəkirqızı özünü jurnalist bilirsə, prodüsser Tolik niyə aparıcı olmasın?    

Ruslan Eyyubovla bağlı  QƏRAR

Yanvarın  30-u ilə bağlı XƏBƏRDARLIQ 

Pensiya alanlara şad xəbər: Gələn həftə... 

3. “Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə” Azərbaycan Respublikası Prezidentinin 2000-ci il 30 avqust tarixli 393 nömrəli Fərmanının (Azərbaycan Respublikasının Qanunvericilik Toplusu, 2000, № 8 (III kitab), maddə 616 (Cild I); 2024, № 5 (I kitab), maddə 513, № 6 (I kitab), maddələr 653, 661, № 8, maddə 947, № 12 (I kitab), maddə 1289, (II kitab), maddə 1375; 2025, № 4 (I kitab), maddələr 331, 334, № 5, maddə 461, № 6, maddə 541, № 8, maddə 747) 1-ci hissəsində aşağıdakı dəyişikliklər edilsin:

3.1. 1.1-ci bəndə “106.1.13-cü,” sözlərindən sonra “106.1.13-2-ci (hər iki halda),” sözləri, “199.7-ci,” sözlərindən sonra “199.7-1-ci (hər iki halda),” sözləri, “207.3-cü,” sözlərindən sonra “207.3-1-ci (hər iki halda),” sözləri əlavə edilsin və həmin bənddən “165.1.7-ci (hər iki halda),” sözləri çıxarılsın;

3.2. 1.2-ci bəndə “106.1.13-cü,” sözlərindən sonra “106.1.13-2-ci (hər iki halda),” sözləri, “199.7-ci,” sözlərindən sonra “199.7-1-ci (hər iki halda),” sözləri və “207.3-cü,” sözlərindən sonra “207.3-1-ci (hər iki halda),” sözləri əlavə edilsin;

3.3. 1.48-ci bənddə “164.1.28-ci və 165.1.7-ci” sözləri “106.1.13-2-ci, 164.1.28-ci, 199.7-1-ci və 207.3-1-ci” sözləri ilə əvəz edilsin.

4. Bu Fərmanın 1-ci və 3-cü hissələri 2025-ci il yanvarın 1-dən tətbiq edilir.