Prezidentin sosial şəbəkə hesablarında həftəlik fəaliyyəti ilə bağlı icmal yayımlanıb
15 Noyabr 2026, 22:24
Qaynar xətt:
(+99450) 247 90 86
SİYASƏT
863
04.11.2025, 16:26
Bildiyiniz kimi, İsrailin Baş naziri Benyamin Netanyahu, Livanla sərhəddə gərginliyin artdığı bir vaxtda Nazirlər Kabinetinin iclasında sərt bəyanatla çıxış edib. O bildirib ki, İsrail Hizbullahın yenidən silahlanmasının qarşısını almaq üçün özünümüdafiə hüququndan tam şəkildə istifadə etməyə hazırdır. Həmçinin, Livan hökumətini beynəlxalq öhdəliklərini yerinə yetirməyə, Hizbullahın tərksilahını təmin etməyə və cənub bölgələrinə nəzarəti bərpa etməyə çağırıb. Netanyahu həmçinin vurğulayıb ki, İsrail bölgədə sabitliyi qorumaq və regional təhlükəsizlik balansını təmin etmək məqsədilə hərtərəfli tədbirlərə hazırdır. Bu vəziyyət Yaxın Şərqdə gərginliyin artması və təhlükəsizlik arxitekturasının yenidən formalaşması baxımından diqqət mərkəzindədir.
Oxu24.com politoloq Məhəmməd Əsədullazadə ilə mövzunu müzakirə edib. Politoloq hazırkı vəziyyəti təhlil edərək regiondakı perspektivləri, diplomatik və hərbi ssenariləri də şərh edib. Məhəmməd Əsədullazadə bildirib ki, bölgədəki proseslərin Yaxın Şərqdə sabitliyə və təhlükəsizlik arxitekturasının yenilənməsinə birbaşa təsiri olacaq.
- Məhəmməd müəllim, Hizbullahın möhkəmlənməsi və şimal bölgədə hərbi mövqelər İsraili Livana qarşı hərbi əməliyyatlara vadar edib. Bu Yaxın Şərqdə gərginliyi necə dəyişir?
- Livan hökuməti Hizbullahı silahsızlaşdıra bilmir və bu artıq böhrana gətirib çıxarıb. ABŞ və İsrail radikal addımlar ataraq Hizbullahı siyasi səhnədən çıxarmağa hazırdır. Əgər əməliyyatlar həyata keçirilərsə, onlar Livan hökumətinə qarşı deyil, Yaxın Şərqdə yeni təhlükəsizlik arxitekturasının formalaşmasına xidmət edəcək. Bu prosesdə Hizbullaha yer olmamalıdır və bununla da regionda sakitləşməyə töhfə verəcək. O həmçinin əlavə edib ki, əməliyyatlar, beynəlxalq aləmin diqqətində olan sabitliyi qorumaq üçün koordinasiyalı şəkildə həyata keçiriləcək.
- Bu əməliyyatlar regionda siyasi böhrana səbəb ola bilərmi?
- Hizbullah öz məqsədlərindən geri çəkilmir və silahını yerə qoymur, bu isə aparılan danışıqların effektivliyini məhdudlaşdırır. Buna görə ABŞ və İsrail əməliyyatları labüd hesab edir və yaxın perspektivdə həyata keçiriləcək. Bu proses regionda hər hansı siyasi böhrana gətirib çıxarmayacaq. Politoloq əlavə edib ki, regiondakı digər dövlətlər də bu gərginlik fonunda diplomatik səylərini artırmalı olacaq, lakin əsas problem və risklər Hizbullahın mövqelərinin möhkəmlənməsində cəmlənir.
Müsahibəni təqdim etdi: Pərvin Şakirqızı
00:08 / 16 Noyabr 2026
156
23:41 / 15 Noyabr 2026
173
23:35 / 15 Noyabr 2026
270
23:32 / 15 Noyabr 2026
141
23:07 / 15 Noyabr 2026
519
22:43 / 15 Noyabr 2026
1198
22:34 / 15 Noyabr 2026
181
22:24 / 15 Noyabr 2026
150
22:05 / 15 Noyabr 2026
1210
21:57 / 15 Noyabr 2026
614
21:37 / 15 Noyabr 2026
1496
21:07 / 15 Noyabr 2026
1457
20:58 / 15 Noyabr 2026
685
20:55 / 15 Noyabr 2026
269
20:44 / 15 Noyabr 2026
458
20:39 / 15 Noyabr 2026
168
20:30 / 15 Noyabr 2026
196
20:09 / 15 Noyabr 2026
586
19:51 / 15 Noyabr 2026
578
19:37 / 15 Noyabr 2026
177
19:17 / 15 Noyabr 2026
180
19:09 / 15 Noyabr 2026
163
18:40 / 15 Noyabr 2026
180
© 2026 Oxu24.com Müəllif hüquqları qorunur.