Azərbaycan-Rusiya münasibətləri hazırda nə yerdədir?  —   Politoloqdan MÜHÜM AÇIQLAMA 

Ötən ilin dekabrında Azərbaycana məxsus  sərnişin təyyarəsinin Rusiya səmasında vurulmasından sonra iki ölkə arasında münasibətlər  pik həddə gərginləşmişdi.Azərbaycan haqlı olaraq baş vermiş hadisəyə görə  cavab  və üzrxahlıq tələb edirdi.  

Bu baş vermədikdə  isə  iki ölkə  arasında  gərginlik bir qədər də alovlandı.Hər iki tərəfdən rəsmi şəxslər səviyyəsində bəyanatlar səsləndirildi.

Bu ilin oktyabrın 9-da Düşənbədə Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putinlə görüşü zamanı baş tutan danışıqlar və açıqlamalar vəziyyətdə nələri dəyişib?

Bu sual ətrafında politoloqun mövqeyini öyrəndik.

Rusiya və Azərbaycan  arasında  hazırda münasibətlər nə yerdədir?

Mövzu ilə bağlı  Oxu24.com-a danışan politoloq Turan Rzayev bildirib ki,hazırda Azərbaycan və Rusiya münasibətlərində müəyyən yumşalmalar hiss olunur.

Həmçinin oxuyun

Sabah bu yerlərə lopa-lopa qar yağacaq, 16 dərəcə şaxta olacaq- hava PROQNOZU 

Alimentə görə nə qədər həbs düşür?

Sevinc Osmanqızı haqqında QƏRAR: Həbs olundu

 Ermənistan “qırmızı xətti” İranın başına "vurdu"    —    Simonyanın "qardaşlığa" qoyduğu nöqtənin DETALLARI 

“Azərbaycan və Rusiya arasında gərginlik əvvəlki aylarla müqayisədə gözəçarpacaq dərəcədə azalıb.Bunun başlıca səbəbləri  iki ölkə liderlərinin Düşənbə görüşü və bu görüş zamanı Rusiya Prezidentinin Azərbaycan tərəfini maraqlandıran,o cümlədən gözlədiyi açıqlamaları verməsi idi.Rəsmi Kreml AZAL təyyarəsinin vurulması ilə bağlı Prezident səviyyəsində məsuliyyəti dərk etdiyini etiraf etdi və üzrxahlıq mahiyyətində açıqlama verildi.Bu, bizim üçün də əslində gözlənilən idi.Biz nə Rusiya ilə münasibətləri gərginləşdirməkdə maraqlıydıq,nə də başqa bir niyyətimiz  var idi.Rusiya Prezidentinin məhz Düşənbədəki açıqlamalarından sonra,hesab edirəm ki,gərgin münasibətlər səngiyib”,-deyə politoloq açıqlamasında bildirib.

Məlumat üçün qeyd edək ki,Rusiya lideri həmin görüşdə bu ifadələri səsləndirib:

“Görüşümüzə daha həssas mövzu - bizim hava məkanında baş verən aviasiya faciəsi ilə başlamaq istərdim. Artıq həmin vaxt bizim aramızda birinci telefon danışığı əsnasında mən faciənin məhz Rusiya səmasında baş verdiyinə görə üzr istədim, həm də həlak olanların ailələrinə ən səmimi başsağlığı verdim. İstərdim ki, bütün bunları təkrar edim, yenidən söyləyim və qeyd edim, biz sözsüz ki, razılaşdığımız kimi, istintaqa hər cür kömək göstəririk”.

Miri Məcidli