Naxçıvana maneəsiz gediş-gəliş təmin olunur - Şərtlər qəbul edildi!
08 Avqust 2025, 09:10
Qaynar xətt:
(+99450) 247 90 86Prezidentlə təkbətək görüşü oldu - Fotolar
SİYASƏT
883
16.07.2025, 12:25
Bu gün Azərbaycan Prezidenti İlham Əliyevin Türkmənistan Xalq Məsləhətinin sədri Qurbanqulu Berdiməhəmmədov ilə təkbətək görüşü olub.
Oxu24.com xəbər verir ki, Azərbaycan Prezidenti İlham Əliyev Türkmənistan Xalq Məsləhətinin sədri Qurbanqulu Berdiməhəmmədovu qarşılayıb.
Dövlət başçısı və Türkmənistan Xalq Məsləhətinin sədri birgə foto çəkdiriblər.
Görüşdə çıxış edən Prezident İlham Əliyev deyib:
- Hörmətli Qurbanqulu Məlikquliyeviç.
Azərbaycana xoş gəlmisiniz. Sizi səmimiyyətlə salamlayıram. Əminəm ki, səfəriniz Türkmənistan-Azərbaycan qardaşlıq əlaqələrinin inkişafına öz töhfəsini verəcək. Xalqlarımızı dərin qardaşlıq ənənələri birləşdirir və müstəqillik dövründə bu əlaqələr daha da gücləndi. Biz bir çox sahələrdə uğurla əməkdaşlıq edirik və iki ölkə müstəqil siyasət apararaq gələcəyə inamla baxır. Bizim aramızdakı tarixi əlaqələr bugünkü əlaqələr üçün əsas zəmindir və əminəm ki, Sizin səfəriniz bizim münasibətlərimizə yeni təkan verəcək. Siyasi, iqtisadi, humanitar və digər sahələrdə, o cümlədən nəqliyyat, energetika sahələrində bir çox nailiyyətlərimiz var və əlbəttə ki, gələcək əməkdaşlıqla bağlı bu gün fikir mübadiləsi aparacağıq.
Əziz qardaşım, bir daha xoş gəlmisiniz Azərbaycana.
***
Türkmənistan Xalq Məsləhətinin sədri Qurbanqulu Berdiməhəmmədov çıxış edərək deyib:
- Hörmətli İlham Heydər oğlu.
Hörmətli nümayəndə heyətlərinin üzvləri.
Əvvəlcə icazə verin, Azərbaycana səfərə dəvət etdiyinizə, göstərilən qonaqpərvərliyə və səmimi münasibətə görə Sizə ürəkdən təşəkkür edim.
Mən, həmçinin Türkmənistan Prezidenti Zati-aliləri Sərdar Berdiməhəmmədovun səmimi salamlarını və xoş arzularını Sizə çatdırmaqdan şərəf duyuram.
Azərbaycan Respublikasına bu səfərimin əsas məqsədi ikitərəfli münasibətləri daha da dərinləşdirmək və inkişaf etdirmək, əldə olunan nailiyyətləri möhkəmləndirmək, yeni layihələrin və istiqamətlərin həyata keçirilməsinə əlavə stimul verməkdir.
Ümumilikdə Türkmənistan-Azərbaycan dövlətlərarası əlaqələrinin bugünkü səviyyəsini xarakterizə edərkən onları üç sözlə ifadə edərdim: qardaşlıq, mehriban qonşuluq və əməkdaşlıq.
Həmçinin oxuyun
Biz möhkəm tarixi bünövrəyə, iki xalqın ortaqlığına və qohumluğuna, bir-birinə qarşılıqlı ehtiyacının olması anlayışına, xalqlarımızın və dövlətlərimizin rifahı, onların əmin-almanlığı və tərəqqisi naminə məcmu siyasi, iqtisadi, resurs potensialından istifadə etməyə hazır olmağa əsaslanırıq.
Qanunauyğun haldır ki, Türkmənistan və Azərbaycan bu gün xarici siyasətdə, siyasi, iqtisadi, mədəni və humanitar sahələrdə sanballı və geniş əməkdaşlıq gündəliyinə malikdir. Hər iki tərəfin səyləri sayəsində əməkdaşlığımız məqsədyönlülüyü və konkretliyi ilə seçilir, sabit və davamlı xarakter daşıyır, yaxşı dinamika nümayiş etdirir. Bunun əsas, həlledici amili ölkələrimizin liderləri arasında əldə edilmiş ən yüksək səviyyədə qarşılıqlı anlaşma və etimaddır. Bu, bizə ikitərəfli əməkdaşlığın bütün məsələləri üzrə düzgün və vaxtında qərarlar verməyə, əldə olunmuş razılaşmaların həyata keçirilməsini təmin etməyə imkan yaradır.
Türkmənistanla Azərbaycan xarici siyasət sahəsində BMT Nizamnaməsinə və tanınmış beynəlxalq hüquq normalarına riayət etməklə prinsipial və qəti mövqedən çıxış edir. Ölkələrimiz dünyada və qitədə, regional məsələlərdə, Xəzər dənizi zonasında sabitliyin və təhlükəsizliyin təmin edilməsinə mühüm töhfə verir.
Ən böyük beynəlxalq təşkilatlarda, ilk növbədə, BMT-də, bir sıra regional strukturlarda uğurla və səmərəli əməkdaşlıq edirik. Bu baxımdan, İqtisadi Əməkdaşlıq Təşkilatına üzv dövlətlərin 17-ci Zirvə görüşünün bu yaxınlarda Xankəndi şəhərində uğurla keçirilməsi münasibətilə Azərbaycanı təbrik etmək istərdim.
İqtisadi-ticari tərəfdaşlıq uğurla inkişaf edir, onun keyfiyyət və kəmiyyət göstəriciləri artır.
Mədəniyyət, elm, təhsil, şəxsi və insani səviyyələrdə ənənəvi əlaqələr genişlənir.
Dövlətlərarası münasibətlərin çox mühüm elementləri olan parlamentlərarası əlaqələrin, xalq diplomatiyasının əhəmiyyəti və rolu artır.
Əminəm ki, bu səfər Türkmənistan ilə Azərbaycanın bundan sonra da yaxınlaşması, əməkdaşlığın uzunmüddətli strategiyasının reallaşdırılması kontekstində razılaşdırılmış yanaşmaların işlənib hazırlanmasında mühüm amilə çevriləcək.
Hörmətli İlham Heydər oğlu, qardaş Azərbaycan torpağında hər zaman səmimi qarşılandığımıza görə Sizə bir daha təşəkkür edirəm.
Çox sağ olun.
***
Prezident İlham Əliyev: Təşəkkür edirəm. Xahiş edirəm, mənim də salamlarımı hörmətli Prezident Sərdar Berdiməhəmmədova çatdırasınız.
10:31 / 08 Avqust 2025
Bakı metrosunda dünyaya gələn uşaqla bağlı AÇIQLAMA
1
10:29 / 08 Avqust 2025
Məhkəmə Binəqədidə beysbol dəyənəkləri ilə sürücünü döyənlər barəsində qərar verib
3
10:27 / 08 Avqust 2025
Rubl neçəyədir?
3
10:00 / 08 Avqust 2025
Son iki ayın ən güclü maqnit qasırğası gözlənilir
11
09:40 / 08 Avqust 2025
Xiyar turşusunu düzgün bağlamağın üsulları - Turşu atmasının qarşısını alın
11
09:30 / 08 Avqust 2025
Hindistan şirkətləri Rusiyadan neft almağı dayandırır
14
09:20 / 08 Avqust 2025
Kondisioner filtrləri təhlükə saçır
14
09:10 / 08 Avqust 2025
Naxçıvana maneəsiz gediş-gəliş təmin olunur - Şərtlər qəbul edildi!
17
09:00 / 08 Avqust 2025
Ermənistan İlham Əliyevin Zəngəzur dəhlizi ilə bağlı şərtlərini qəbul edir
34
00:27 / 08 Avqust 2025
Vaşinqtonda İlham Əliyevin Stiv Uitkoff ilə görüşü olub - FOTO
97
23:53 / 07 Avqust 2025
Daha bir təyyarə qəzaya uğradı - 6 nəfər öldü
63
23:50 / 07 Avqust 2025
Maksim Qalkini maşın vurdu
65
23:25 / 07 Avqust 2025
Rusiyada sərnişin təyyarəsi təcili eniş etdi
69
22:04 / 07 Avqust 2025
İnsan ifrazatından diş implantı hazırlandı
107
21:35 / 07 Avqust 2025
Maskdan Azərbaycanla bağlı paylaşım - VİDEO - FOTO
68
21:22 / 07 Avqust 2025
Maşından düşmək istəyərkən başına iş gəldi
73
21:12 / 07 Avqust 2025
Rusiya ilə Ukrayna hansı əraziləri mübadilə edəcək? - Sülh danışığının detalları
71
19:30 / 07 Avqust 2025
Netanyahu Qəzza ilə bağlı İsrailin planını açıqladı
114
18:30 / 07 Avqust 2025
Putindən Trampla görüşün yeri barədə - Açıqlama
102
18:00 / 07 Avqust 2025
Sabahdan hava sərinləyir
89
17:29 / 07 Avqust 2025
“Putin sülhə hazırdır“ - Trampdan etiraf
87
15:05 / 07 Avqust 2025
Prezident Vaşinqtondadır - Fotolar
781
14:54 / 07 Avqust 2025
Daha bir Avropa ölkəsi F-35-dən imtina etmək istəyir
228
14:49 / 07 Avqust 2025
Kiyevə 35 milyard dollar lazımdır
318
© 2025 Oxu24.com Müəllif hüquqları qorunur.