"Rusiya bir neçə işğal olunmuş ərazini öz ərazisi kimi bəyan edib" — Əliyevdən Ukrayna-Rusiya müharibəsi barədə açıqlama

news/2025_04_09/17441910914766011868_1200x630_1744215505.jpg

SİYASƏT

607

09.04.2025, 20:16

ADA Universitetində Prezident İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib.

Oxu24.com xəbər verir ki, forumda sualları cavablayan Prezident İlham Əliyev Ukrayna-Rusiya müharibəsi ilə bağlı vacib nüansa toxunub.

Böyük Britaniya nümayəndəsinin ünvanladığı “Azərbaycanın Rusiyanın Ukraynadakı müharibə ilə bağlı mövqeyi nədən ibarətdir? Siz bu münaqişənin sonunu necə görürsünüz?” sualını İlham Əliyev belə cavablandırıb:

“ Birincisi, bizim Ukrayna-Rusiya arasında münaqişəyə mövqeyimiz odur ki, biz həmişə Ukraynanın ərazi bütövlüyünü və süverenliyini dəstəkləmişik, dəstəkləyirik və dəstəkləyəcəyik. Biz özümüz də işğaldan, ərazi bütövlüyünün pozulmasından əziyyət çəkmişik. Biz bu halı bilirik. Əlbəttə, cavabımız o olar ki, müharibə dərhal dayandırılsın. Biz bunu dəstəkləyirik. Amma əsas sual odur ki, bu necə baş tutmalıdır. İki fəal müharibə fazasında olmuş ölkə kimi biz deyə bilərik ki, atəşkəs heç zaman müharibəni dayandırmır. Bu müvəqqəti dayanmadır ki, ölkələr yenidən qruplaşsın. Rusiyayla Ukrayna arasında olan təmas xətti bizimkiylə müqayisədə xeyli uzundur. Bizim təmas xəttimiz Ermənistanın xeyrinə idi. Eləcə də ordunun vəziyyəti nəzərə alınmalıdır. Çünki Ukrayna və Rusiya arasındakı bəzi perspektivlər elə də aydın görünmür. Rusiya bir neçə işğal olunmuş ərazini öz ərazisi kimi bəyan edib. İndi bundan necə geri çəkilə bilər? Bütün dünya belə hesab edir ki, bu işğal olunmuş ərazilər Ukraynanın bir hissəsidir. Azərbaycan da belə hesab edir. Onda Ukrayna necə bu qurbanlara gedə bilər? Əgər bu baş versə onda bu o deməkdir ki, onda mən beynəlxalq siyasətdən heç nə başa düşmürəm".

Ətraflı videoda:

Həmçinin oxuyun