Azərbaycan Xarici İşlər Nazirliyi Abxaziyada fərdi evdə baş vermiş yanğınla bağlı Gürcüstana başsağlığı verib.

Oxu24.com    xəbər verir ki, bu barədə XİN-in “X” hesabında paylaşım edilib.

“Gürcüstanda Abzaxiyanın Qali bölgəsində 5 uşağın həlak olduğu faciəli yanğın hadisəsi bizi dərindən kədərləndirdi. Hadisədən zərər çəkmiş ailələrə və dost Gürcüstana dərin hüznlə başsağlığı veririk”, - deyə paylaşımda qeyd olunub.

Xatırladaq ki, yanğın yanvarın 5-də Saberio kəndində baş verib. Gürcüstan hökuməti hadisə ilə əlaqədar yanvarın 9-nu ölkədə matəm günü elan edib.