Deputatlar Türkiyəyə səfər edəcək

2024/12/20/1734689314_173468558673006320667653392b9979.jpg

SİYASƏT

597

20.12.2024, 14:07

Azərbaycan Milli Məclisinin bir sıra deputatları önümüzdəki günlərdə Suriya ilə bağlı məsələləri müzakirə etmək üçün Türkiyəyə gedəcək.

Bu barədə Modern.az-a açıqlamasında Türkiyə Böyük Millət Məclisinin Azərbaycanla parlamentlərarası dostluq qrupunun rəhbəri Şamil Ayrım bildirib.

"Azərbaycan Milli Məclisinin sədri Sahibə Qafarova ilə Türkiyə Böyük Millət Məclisinin başqanı Numan Kurtulmuş birgə mətbuat konfransı keçiriblər. Orada bir sıra vacib məslələrə toxunuldu. O cümlədən Suriyadakı məsələlərlə bağlı Azərbaycanın Türkiyənin yanında olacağı vurğulandı. Bu, çox önəmli bir ifadədir. Qarşıdakı vaxtlarda Azərbaycandan bir heyət bu mövzular barədə danışmaq üçün Türkiyəyə gələcək".

Suriyada Əsəd rejiminin çökməsindən sonra yaranmış vəziyyət Türkiyə və Azərbaycan rəsmiləri arasında bir neçə dəfə müzakirə olunub. Türkiyə Suriyada sabitliyin və ərazi bütövlüyünün qorunub saxlanmasına böyük önəm verir. Həm Ankara, həm də Bakı hesab edir ki, Suriyada sabitliyin bərpa olunması bütün regionun sabitliyinə və təhlükəsizliyinə xidmət edəcək.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Xatırladaq ki, Azərbaycan Prezidenti İlham Əliyevin dekabrın 10-da Türkiyə Prezidenti Rəcəb Tayyib Ərdoğanla telefon danışığı zamanı da Suriya dövlətinin ərazi bütövlüyünə və suverenliyinə dəstək ifadə edilib.

Prezident İlham Əliyev Azərbaycanın qardaş Türkiyə ilə birlikdə Suriya xalqının üzləşdiyi humanitar problemlərin aradan qaldırılmasına dəstək verməyə hazır olduğu bildirib.

Prezident Rəcəb Tayyib Ərdoğan bütün sahələrdə olduğu kimi, Suriya xalqına humanitar yardım və dəstək məsələsində də Azərbaycan və Türkiyənin birgə fəaliyyət göstərəcəyini məmnuniyyətlə qeyd edib.