Rusiyanın Kursk vilayətində irəliləməyə cəhd edən Ukrayna qoşunları azı 315 nəfər itki verib.

OXU24.COM  xəbər verir ki, bunu Rusiya Silahlı Qüvvələrinin Baş Qərargah rəisi Valeri Gerasimov Rusiya Prezidenti Vladimir Putinin keçirdiyi müşavirədə bildirib.

Onun sözlərinə görə, Ukrayna Silahlı Qüvvələrinin irəliləməsinin qarşısı alınıb:

"Avqustun 6-da səhər saat 05:30-da Ukrayna Silahlı Qüvvələrinin 1 000 nəfərdən ibarət bölmələri Kursk vilayətində əraziləri ələ keçirmək məqsədi ilə hücuma keçib. Qarşı tərəf azı 315 nəfər itki verib. Onların azı 100 nəfər ölüb, 215-i yaralanıb. Ukrayna həmçinin 54 zirehli texnika, o cümlədən 7 tank itirib”.