Təyyarəmizin vurulmasına görə məsuliyyəti onlar daşıyır - ADLAR

REDAKTORUN SEÇİMİ

1294

27.12.2024, 11:01

Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiyanın "Pantsir-S" Hava Hücumundan Müdafiə sistemi tərəfindən vurulmasına görə məsuliyyət daşıyan şəxslər müəyyən edilib.

Oxu24.com milli.az-a istinadən xəbər verir ki, birinci cavabdeh Çeçenistan Respublikasının Nəqliyyat Nazirliyinin rəhbərliyidir, çünki bu qurum aviasiya hissəsinə nəzarət edir. Nazir Adam Ramazanoviç Çerxiqov bu məsuliyyəti daşıyan şəxsdir.

İkinci cavabdeh "Vaynaxavia" ASC-nin rəhbəri Şahqiriyev Alvi Saydumoviçdir. Bu şirkət Qroznı hava limanını idarə edir.

Həmçinin oxuyun

Öz adına kredit götürüb başqasına verənlərə VACİB XƏBƏR — Məhkəmə təhlükəsi

Bəylər Eyyubovun general qohumu işdən ÇIXARILDI

Yeni general Kəmaləddin Heydərovun xanımının dayısı oğlu imiş -DETALLAR

Zelenski mühüm səfərə GETDİ: Nələr dəyişir?

Hadisəyə görə məsuliyyət daşıyan digər şəxslər arasında Rusiyanın Cənub Hərbi Dairəsinin rəhbərliyi də var, çünki Çeçenistan ərazisi məhz bu hərbi struktura tabedir. Cənub Hərbi Dairəsinin komandanı 2024-cü ilin noyabr ayında general-polkovnik Aleksandr Semyonoviç Sançik olub, onun müavini isə Vladimir Anatoliyeviç Koçetkovdur.

Bundan əlavə, Cənub Hərbi Dairəsi daxilində hava hücumundan müdafiə məsələlərinə cavabdeh olan 4-cü Qvardiya Hərbi Hava Qüvvələri və Hava Hücumundan Müdafiə Ordusunun rəhbərliyi də məsuliyyət daşıyır. Bu hərbi birləşməyə general-mayor Vladimir Stanislavoviç Kutsenko komandirlik edir. Nəhayət, Çeçenistan ərazisində hava hücumundan müdafiə vasitələrinin yerləşdirilməsi məsələsini ilk dəfə 2022-ci ildə Ramzan Kadırov qaldırmışdı. Məsələ xüsusən Ukrayna pilotsuz uçuş aparatlarının Çeçenistana zərbə endirməsindən sonra aktuallaşmışdı, bu hadisə 2023-cü ilin oktyabrında xüsusi təyinatlılar universitetinə qarşı baş vermişdi.

Oxu: Pilotların səs yazısı yayıldı