Qusarda polis karantin rejimi qaydalarını pozaraq qumar oynayanları saxlayıb.

DİN mətbuat xidmətinin Quba regional qrupundan  Oxu24.com-a  verilən məlumata görə, rayon Polis Şöbəsinin əməkdaşları tərəfindən Suvacal kəndi ərazisində yerləşən və hazırda istifadə olunmayan köhnə tikililərin birində yeddi nəfər kənd sakininin qumar oynadıqları aşkar olunub. Karantin rejimi qaydalarını kobud şəkildə pozan həmin şəxslər saxlanılaraq polis şöbəsinə gətirilib.

Abdulla Abdulov vaxt keçirmək üçün qumar oynadıqlarını deyir: “Kənddə vaxtımız keçmirdi, yığışdıq ki, vaxtımızı keçirək. Kart oynayırdıq, gəldi polis əməkdaşları çıxdılar. Dedilər karantin qaydalarını pozmusuz gəldik şöbəyə. Bir də belə səhv etmərik”.

Saxlanılan şəxslərin hər biri barəsində inzibati qaydada tədbir görülüb.