Qaynar xətt:

(+99450) 247 90 86

Azərbaycanın bu raketi var İMİŞ - HƏRBİ PARADDA GÖSTƏRİLDİ +VİDEO

news/2025_11_09/1762625674_screenshot_2025_11_08_22_08_21_067_comgoogleandroidyoutube_edit_1762634163.jpg

OXU24 TV

2019

09.11.2025, 00:33

Bakıda keçirilən Zəfər paradında Azərbaycanın İsraildən aldığı “Seabreaker” qanadlı raket kompleksi ilk dəfə nümayiş etdirilib.

Oxu24.com  xəbər  verir   ki,müasir naviqasiya və hədəf izləmə texnologiyaları ilə təchiz olunan bu silah sistemi yüksək dəqiqliyə malikdir və hərbi texnologiyanın ən son nümunələrindən sayılır.

“Seabreaker” kompleksinin Ordumuzun arsenalına daxil edilməsi Azərbaycanın müdafiə qabiliyyətinin daha da gücləndirildiyini göstərir.

Beşinci nəsil raketlər İsrailin “Rafael Advanced Defense Systems” şirkəti tərəfindən istehsal olunub.

“SeaBreaker” uzunmənzilli qanadlı raket kompleksi dənizdən və ya qurudan atıla bilən çoxməqsədli sistemdir. Raket ilk dəfə 2021-ci ilin iyununda təqdim edilib.

Sistem dəniz və quru hədəflərinə dəqiq zərbə endirmək üçün nəzərdə tutulub. Raket 300 kilometrədək məsafəyə çata bilir və turboreaktiv mühərriki sayəsində çox yüksək sürətlə uçur. Raketin uzunluğu təxminən 4 metr, çəkisi isə 400 kiloqramdan azdır.

“SeaBreaker” 114 kiloqramlıq döyüş başlığı ilə təchiz olunub və bir ədəd raketlə böyük gəmini sıradan çıxarmaq gücünə malikdir. Sistem IIR tipli (görüntüləyici infraqırmızı) axtarıcı başlıqla idarə olunur və hədəfə yüksək dəqiqliklə yönəlir.

Raket 100 tonadək yüngül hücum gəmilərinə quraşdırıla bilər və ya “SPYDER” buraxılış qurğularından istifadə edən mobil sahil müdafiə sistemi şəklində də tətbiq olunur.