Azərbaycanda bazarda baş vermiş qətlin VİDEOSU YAYILDI (18+)

Oğuzda keçmiş məhkum qonşusunu güllələyib.

APA TV-nin məlumatına görə, hadisə rayonun Kərimli kəndində qeydə alınıb. 

Belə ki, kənd sakini Zərqəm Məsimov qonşusu 54 yaşlı Elşən Abdullayevi kəndin “Bazar” adlanan ərazisində ov tüfəngindən üç dəfə atəş açaraq güllələyib. 

Ağır yaralanan Elşən Abdullayev hadisə yerində keçinib.
Hadisəni törədən Zərqəm Məsimov polis əməkdaşları tərəfindən saxlanılaraq istintaqa təhvil verilib. Ondan cinayətdə istifadə etdiyi “Tula” markalı ov tüfəngi götürülüb.

Mərhumun meyiti isə Məhkəmə Tibbi Ekspertiza və Patoloji Anatomiya Birliyinin Oğuz rayon şöbəsinə təhvil verilib.

Faktla bağlı cinayət işi başlanıb, istintaq aparılır.